الصداقه الصداقه هل يمكن ان تنتهي احيانا

الصداقه الصادقه هل يمكن ان تنتهي احيانا
*****************************
هي الصداقة هي أسمى شيء في الوجود.. خصوصاً اذا كانت صادقه وكما أنها تعني الكثير الكثير. فهي الرفيق في الطريق الصعب
في بد اية حديثي اذكر .
من هو الصديق الحقيقي؟
كثيراً ما أجهدت ذهني في هذا السؤال...
ولكني في النهاية علمت أن كلمة "صديق" تعني الصدق وتعني الشخص القريب الذي أطلعه على جميع أسراري بارتياح وثقة في شخصه.
يشعر بي، ويفكر معي، ولأجلي، ويظل بجانبي في الضيق وألقاه بجانبي يقويني، ويساندني، وفي الأوقات السعيدة يقف بجانبي يهنئني ويشجعني. اشعر معه بالامان فمن منا لا يحتاج لصديق كهذا.
والان من هنا يأتي سؤالي؟
اذا كان لديك صديق مخلص صادق معك جداً وهو قريب الى نفسك وكل اسرارك معه وتستشيره في جميع امورك
وصادف ان استشرته في شيءانت تحبه كثيراً ومتمسك فيه جداً بحيث لا تستطيع الاستغناء عنه ونهاك هذا الصديق عنه فترى ماذا سوف تكون ردت فعلك ؟
هل يتحول هذا الصديق فجأة الى شخص عادي لا يهمك رايه وكأنه لم يكن الاقرب الى نفسك
فقط لانه اراد مصلحتك ونهاك
ام هل تثق به كما كنت دائماً وتاخذ برايه وتترك هذا الشيء حتى لو كنت متعلقاً به وانت مرغماً على ذلك

بأنتظار ردودكم
تحياتي للجميع





أنا لست صاحب شعارات رنانة
أنا صاحب أرض ... ودم ... و وطن ...
أنا صاحبة جبين لن يركع ...
وشعب لن يخضع ...
أنا فلسطـــ فهل تسمع ــــينيه؟!

اول شي شكرا على الموضوع الجميل يا دانيال .انا برايي انو لازم اسمع منو كما كنت دائما لو كان ذو عقل راجح وراي صائب لاكن حتى لو كان الانسان بيعتمد على راي احد الاصدقاء بس مش لازم انو يتقيد برايو ويلغي تفكيرو يعني ممكن انو يستشير الاصدقاء ويسمع ارائهم ويختار الراي الي بيشوفو هوة مناسب بالاخر ويمشي فيه .
مشكووووووووووور دانيال مع تحياتي .

مشكوررررر دانيال جدا على الموضوع الجميل عن الصداقة والصداقة الحقيقية هي اجمل شيء بالحياة اجمل علاقة بشرية راقية جدا فالصداقة معناها كبير جدا وهي رابطة نفسية قوية بين شخصين وتكون مبنية على اساس من المحبو والاخلاص والثقة المتبادلة والمشاركة بالافراح والاحزان والمساعدة وقت الضيق وهي لا تقدر بثمن ابدا وهي روعة من روائع التكامل وهي بنظري من اصدق واقوى العلاقات البشرية على الاطلاق.......
اما بالنسبة للسؤال المطروح يا دانيال حسب رأيي انا استمع لوجهة نظر صديقي ربما هو يرى الامر بصورة مختلفة عني وانا ادعو للنقاش والحوار فاما ان اقنع صديقي برأيي او هو يقنعني برأيه والصديق مهما كان ابدا لا يتحول لشخص عادي ومشكورررر جدا موضوع بالفعل حلو ومرتب يا دانيال والى الامام

انا برايي الصداقه ممكن تنتهي لاننا كلنا منتغير وما حد بضل على حالو الحياه صعبه والناس اللي فيها همي اللي مصعبينها يعني بتكون متعرف على صاحبك من ايام سنة سيدي وستي وبتثق فيه ثقه عمياء ومساعدو مساعدات غير شكل وطول نهارك وجهك بوجهو لدرجه انك تعادي اهلك وما بدك حد في الدنيا غيرو وهو بكون عامل حالو انو مهتم فيك وبحبك وواقف جمبك وبساعدك على حل مشاكلك وبعدين بتكتشف انو كلو كذب وانو بغار منك وهو اللي معقد حياتك وحاطك سلم عشان هو يطلع لفوق على حساب ضهرك وبطعنك بسكينه حادة باسم الصداقه وحتى لو هاد الحكي ما صار وطلع سبحان الله ملاك مثلا الشب بيتجوز بتيجي المره صاحبك وصاحبك لحديت ما يقرف صاحبو والزلمه هاي ما تحكي معها وهاي مو عاجباني يا امما بروح بصير يحبها وبدو اياها تتقرب من مرتو عشان يضلو جمبها .اي بلا صداقة بلا نيله الكل بتعرف عليك بهلايام للمصلحه وعقلك براسك بتعرف خلاصك وشكرا

وانا رايي كمان انو الصداقة ممكن تنتهي
طبعا هي شي كتير حلو وما في حد بقدر يعيش بدون اصدقاء
بس غالبا بتنتهي بطريقة مش حلوة
وبالنسبة لسؤالك
متل ما حكت اميرة الاحزان بحاول اقنعها برايي او تقنعني برايها
ازا اقتنعت اكيد راح ارد عليها
بس ازا ما قدرت تقنعني ولا قدرت اقنعها
راح امشي على رايي
لانو الصاحبات هم اكتر اشي بقدرو يأثرو علينا
وممكن بسبب نصيحتهم امشي بطريق غلط
عشان هيك اكييييد بفضل رايي
بس علاقتنا ما راح تتغير بالنسبة الي
يسلمو كتير موضوع حلو للنقاش

الانسان نفسه ممكن ينتهي ويموت كيف الصداقه ما راح تنتهي وتموت يعني ما في شي بيضل على حاله الا رب العالمين
مرسي على الموضوع

مشكور يا همسات المحبه بس من رايي انه الشخص نفسه لازم يكون مقتنع بالشي يلي بده يعمله وما يعمله لمجرد انه صديقه قاله اعمل هيك بينما لو كان في موضوع محيرني شوي ممكن استشير صديقي او صديقتي وازا اقتنعت بكلامه راح اعمله اما ازا قلي لا ما تعمل هيك من غير ما يقنعني طبعا ما راح ارد عليه يعني لازم يبرهنلي ويقنعني بجوابه
تقبل مروري

اكيد الصديء بيحتاج راي صديقة في بعض الاحيان وبعض المسائل او
المشاكل الي بيمر فيها ولو استشار صديقة اعتقد انو هوة اصلا بيكون ماخد ارار
قبل ما يسال لكن السوال لمجرد ان يتلقى الدعم او انو يساعدة على
ترجيح رايو الي هوة ماخدة مسبقا
لازم يكون اصلا راسي على راي بس بدو حد يشجعو او يوافقة على رايو
واكيد مو لازم ليلغي تفكيرو . ويتبع راي صديئو

شكرا على الموضوع