معتقدات فلسطينية

معتقدات فلسطينية

* اذا انكسرت كاسة بيقولوا: انكسر الشر
(تقولوا الشر مخلوق من الزجاج)

* اذا مر حدا فوق الطفل ما بقا يطول

( انو اذا طفل صغير نايم على الارض ما بصير حدا يمر من فوقوا

ليشششش لان ما بيطول الولد بيطلع قصير؟؟!!!

و متل ما بقول المتل فشخة حية ولا فشخة بنية)

* قص الاظافر بالليل مش منيح (جيد)

(لا تسألو ليش ما بعرف ولا حدا بيعرف بس مش منيح و خلص )

* مراششة الميه فراق
(ما بصير حدا يرش صاحبو بالمي

لان بعدين بيتفرقوا اي شو والله لو انه رشه بنزين )

* للي بيفوت على بيت جديد بيفوت معه عرق اخضر و

مقص و مصحف و يدخل بالرجل اليمين

(واللي بيعمل غير هيك بيتحول لسعدان (قرد)!!)

* اذا اجت الكندرة فوق الكندرة يعني رايحين مشوار

(واذا اجت تحتها يعني راجعين من المشوار ؟؟!!)

* اذا زحف الولد او زقزقت العصافير معناها جاينا ضيوف

(وبهيك حالة لازم توقفوا ورى الباب لانهم بكونوا طالعين عالدرج)

*اذا طنت ادنك اليمين حدا عم يحكي عنك بالمنيح و

اذا طنت اليسار معناها حدا عم يجيب سيرتك بالعاطل

(واذا طنوا مع بعض معناتها انطرشت عليك العوض)

* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مش منيح

(اما اذا رفوا سوى فأنت اكيد احول)

* اذا حكني حاجبي معناها بدنا نستقبل حدا جاي من السفر
وإذا حكني كفي اليمين معناها بدي أقبض مصاري
و إذا حكني كفي اليسار معناها بدي أدفع مصاري

(اما اذا حكك شي تاني يبقى أنت اكيد جربان روح تحمم)

* و ما بصير الحمام بالليل
(طبعا شي بديهي لأن اكيد المي بتكون مقطوعة)

*و ما بينفع كب المي بالبلوعة بالليل من غير التسمية بالله و

الاستعاذة أولا

(يالطيف مشان ما يأذونا ولا نأذيهن)

بس عرفتوا مين هدول؟؟؟؟؟؟؟؟؟؟؟؟؟؟............

ولا انا !!!!

*وإذا عمل العصفور تحتو على أواعيكم يعني جاييتكم رزقة

(وما لازم تغسل ملابسك شي سنة منشان الرزقة)

*و دلق القهوة رزقة
( وكمان نفس الحكي خليها مدلوقة لا تمسحها )

*و شرب المي بعد القهوة قلة زوء
(حتى لو اتشردقت موت ولا تشرب مي )

* كمان يلي حامل بصبي بتحلا واذا حامل ببنت بتتباشع
(يعني الي حامل بتوأم شو بيصير فيها؟)

* وإذا الطفل قعد بالصينية وهي عالأرض بيرتعبوا

لأنه هاد الولد رح يضيع
(ويمكن يتشرد هاد اذا ما طلع حرامي كمان )

* و كمان إذا حدا صبلك شاي او قهوة وملى الفنجان كتير

بكون قلبوه مليان منك واذا صبها ناقصة هدا دليل على انو هالشخص ناقص

*والي بيعدّ النجوم بيطلعلو تالولات بايدو
(بس اذا عدهم مظبوط ما بيطلع شي)

*وبعد ما نخلص صلاة نطوي السجادة مشان

الشيطان ما يصلي عليها
(خلّيه يصلّي بركي يتوب ويصير يوسوسلنا بالخير!!)

مع كل تحياتي لك بلخير
ومع كل احترامي لتعبك
بس بحب اقول لك انو الي ابتتمسخر عليها هيا بلدك
وانو صحيح في كلام خرافي بس في كلام كتير من الي حكيتواا صحيح
وبعدين هاي عاداتنا وتقاليدنا
مع كل تمنياتي لك بالخير

هههههههههههه مشكورة يا ملكة الجمال على مرورك
على كل حال انا بحترم رايك بس انا رايي انه المعتقدات والخزعبلات الي بيحكو عنها مش ضروري تكون صحيحة

ههههههههههههه معك حق يا عصفور انه هاي مجرد خزعبلات ومعتقدات لا اساس لها بس رغم هيك كتير بآمنوا فيها مشكور وتقبل مروري

هههههههه خزعبلات كتيرر عجبتني الكلمة هاي
وانا كان قصدي انو ليش يا عصفور النار تفضحنة خلينا مستورين من هل خراريف ههههههههههه

» تواقيع فلسطينية
» عندما تحب فلسطينية اعلم >>>
» فلسطينية ما تهاب الموت
» دبكات فلسطينية على مسرح الحكواتي في القدس
» الى كل من انحنى التاريخ تحت قدميكي يا فلسطينية انتي