مع او ضد؟؟؟؟؟؟؟؟؟؟؟؟؟؟؟؟؟

انا ضد فكرة وضع الاب او الام بمستشفى العجزة ولازم نراعي ربنا فيهم حرام هيك لانهم هم اللي ربونا واكبرونا وعلمونا ومهما خدمناهم ما بنعطيهم ربع حقهم

والله يرحمهم والداك يا ملكة الحنان وكلنا على هالدرب

هل انت مع او ضد سواقة المرأة للسيارة؟

انا مع سواقة المرأة السيارة لان هناك حالات وظروف تتطلب من المرأة الخروج لوحده الكن بشرط ان تكون ماهرة بالسواقة مو زي اغلبية النساء هذه الايام بتكون ساقيه وعيونها بمكان تاني غير الشارع ومرات بتكون سرحانه واول ما تعمل حادث استنوا بدي احكي مع زوجي أو اخوي

سؤالي : هل انت مع أو ضد اكمال الفتاة دراستها الى المراحل العليا ( الدكتوراة ) ؟؟؟؟؟

انا ضد في حال ازا كان ولادته لا تؤثر على حياة المرأة ........لعل في ولادته اختبار وامتحان لوالديه ويكون سبب في ادخالهما للجنة....ولعله يعطي شيء للامة افضل من الشخص العادي

مع او ضد انو شب يتزوج بنت بحبها وهيه بتحبو بس قد بعض او هيه اكبر منو بأشهر ؟ممكن تفسير مقنع

انا مع اذا كانت هيه اكبر منه بس باشهر ما بظن انه الاشهر بتعمل فرق بالعمر أو التفكير
وطول ما هو بحبها اكيد راح يفهم عليها وهي تفهم عليه
وبرضو اذا كانوا قد بعض ما في مشكلة
اما اذا كان الفرق سنيين انا بكون ضد لانه معروف دائما انه المرأة بتكبر قبل الرجل يعنى هو بكون بعز شبابه وهي الله يعلم شو صاير فيها
هذا رأيي بس اذا اجيت للواقع والحياة اللي بنعيشها هلا الافضل انه الشاب يكون هو اكبر من البنت اكيد مو اكبر منها بكتير يعني تقربيا متل الفرق بيني وبين زوجي 5 سنين أو 7 مو اكتر من هيك لانه وقتها المرحلة العمرية بتختلف والتفكير بختلف معها بدرجة كبيرة راح تعمل فجوات ومشاكل كتير بينهم
وحكي هذا عن تجربة اختي اتزوجت وزوجها اكبر منها ب10 سنين وكتير في مشاكل بينهم اما انا حياتي كتير حلوه مع زوجي ومتفهمين لابعد الحدود


سؤالي: هل انت مع أو ضد زواج الشاب العربي من فتاة اجنبية؟؟؟؟

انا ضد ضرب الاطفال لاي سبب كان وبعارض هذا الشي بشدة
فالمفروض لما يغلط الطفل نحكي معه وبنفهمه غلطه مو نضربوه
لانه ما في اي طفل بستحق الضرب شو ما عمل
في الاول بنحكي معه اذا ما اتراجع عن غلطه وكرره مرة تانية بنعقب عقاب خفيف وكلما كرر غلطه بشتد العقاب عليه مثلا بنحرمه من التلفزيون من العابه من شي هو بحبه كتير
بعد هيك اذا كرر الطفل هذا الخطا برايي الشخصي بكون اهله اللي بدوهم عقاب لانه اساس تربيتهم لطفلهم غلط
يعني الحق مو على الطفل هلا على الاهل

سؤالي : هل انت مع أو ضد اعطاء رخصة السواقة لمن هم تحت سن 18؟؟؟

انا ما بقدر اقول ضد او مع لأنو في ناس عمرهم 16سنة بيسوقوا افضل من ناس عمرهم 25 سنة.......بس انا مع التشديد على قوانين السير واتخاذ اقصى العقوبات والمخالفات على الخارجين عن القانون....وانا ايضا مع التشديد على اعطاء الرخص ...لأنو عنا ما شالله بتلفون واحد بتجيب الرخصة .....يعني لازم يكون في تشديد .....يعني على سبيل المثال خالي بعيش في السويد عمرو 29 سنة وبيعرف يسوق بالموت لأخد الرخصة لأنو عندهم تشديد وعندهم اخد الرخصة بيحتاج لدراسة كتب ..بالاضافة انو عندهم رخصة على اليابسة ورخصة على التلج .....

مع او ضد زواج البنت خلال دراستها؟

مع التعرف على اناس من غير الديانة يعني مش غلط معرفة الديانات والتعرف على اشخاص واحيانا بكونوا افضل من الاشخاص اللي من ديانتك ولازم احترام الديانات

هل انت مع او ضد زواج المسيحية بمسلم بعد اسلامها؟

مع بس بشرط انو يكون الشاب يعلمها الاسلام ويوقف معها
مع او ضد حرمان الشاب من الخروج والدخول مع اصدقائوا؟

انا ضد حرمان الشاب من الخروج والا كيف يستطيع ان يتعرف الى المجتمع ويبنى شخصيته

سؤالي: هل انت مع او ضد ضرب الزوجة اذا اساءت كتيراً الى زوجها بالكلام؟؟؟؟؟

انا ضد هالشغله لانو الله خلق للانسان فم يتكلم لازم يحكي معها ويفهمها
وفي عنا دين وعنا شيوخ لازم يستشير الطرفين وما يضرب زوجتوا

مع اوضد خروج الزوجه من البيت لما يكون الزوج بالعمل؟

اذا كان بمعرفته انا مع خروج الزوجة لزيارة اهلها مثلا اما اذا بدون علمه فانا ضد

مع او ضد زواج الاقارب؟

انا ضد هذه الشي لانه الزواج عبارة عن حياة مو لعبة كيف بدك اتزوج من شخص يمكن انت لسه ما بتعرفه



سؤالي : هل انت مع أو ضد علاقة حب قبل الزواج بفترة كبيرة؟؟؟؟

انا مع مشاهدة المسلسلات التركية لكن بشرط بان تكون تحت مراقبة الاهل فصحيح ان العادات في تركيا شبيهة بالعادات العربي لكن هناك عادات اخرى محرم بالنسبة الينا فيجب على الاهل الانتباه من هذه العادات وتأثيرها على اولادهم وعدم منععوهم من مشاهدتها بل السماح لهم بذلك مع الشرح لهم ان هذه العادات ليست صحيحة وخاطئة
وزي ما بحكوا ( الممنوع مرغوب )

سؤالي : هل انت مع أو ضد مشاهدة الاطفال الافلام والمسلسلات؟؟؟؟؟