اغنية الريال باشا والبرشا خرخاشة

ضلكم احكولي ريال ومش عارف ايش مهوي انتو شفتو شو صار فيها ولك استحي على دمك فضحتونا هدا الي شاطرين فيه ايحطو اغاني لريال مدريد رووووووووووووح طييير

ولك يا اهبل الدوري صارلو اكم من سنة مع الريال وما كانش صوتكم طالع بس هاي السنة طلع صوتكم هههههههههههه موعدنا قريب ان شاء الله وخود هدا هدية مني

اخ عصفور انا عندي تعليق وطبعا انا ما بقصدك انتا في هدا التعليق لانو اشي بفلق وبدي رأيك بصراحه:
بحب احكي انو احنا شعب فلسطين شعب قليل عقل احكيلك ليش لأنو سواء فازت برشلونه او فازت ريال مدريد احنا ايش ابنستفيد وكمان في بعض الناس بيتقاتلو وبيدبحو بعض عشان برشلونه وعشان ريال مدريد وفي كمان ناس قصدي اغلبية الناس في فلسطين ابتعرف اخبار برشلونه وريال مدريد اكتر من اخبار وطنهم وما يحصل في وطنهم المغتصب فلسطين يعني بالمختصر اغلبية الناس صارت اتفكر في برشلونه وريال ونسيت وطنها وارضها المغتصبه فلسطين طيب ليش احنا بدل ما نفكر في برشلونه وريال انفكر في عمل شيء او تقديم شيء يستفيد منه وطننا وشعبنا الفلسطيني طيب تخيل انو الامور وصلت انو الناس بحطو في بيتهم او على سطح بيتهم علم برشلونه او علم ريال مدريد بدل ما ايحطو علم وطنهم فلسطين وكمان ابيطلعو مسيرات بتخوف ازا فازت ريال مدريد او ازا فازت برشلونه للاسف هدا الاشي هوي الي خلا اليهود يسيطرو علينا ويذلونا اكتر لانو احنا شعب جاهل عن جد والله انو اشي بخزي

ارجو منك يا اخ عصفور ما تفهمني غلط لانو انا ما بقصدك انتا في هدا الحكي انا بحكي بشكل عام وبدي رأيك بصراحه في الكلام الي قلته
ومشكوووووووور وتقبل مروري

يا الدم او الحرية مشكلة الشعب الفلسطيني اكبر بكتير من الريال والبرشا يعني اليهود ما احتلو بلاتدنا لانه احنا بنشجع الريال او البرشا ومش غلط انه الانسان يحي اشي في الدنيا سواء فنان او فريق او اي شي تاني .بعدين قصة الريال والبرشا مش بس عنا كل العالم بيعرفهم وبيشجعهم حتى اليهود نفسهم يعني انا بشوف كتير اليهود بيهتمو في الريال والبرشا وبدوري ابطال اوروبا بس الشي الي بيختلف بينا وبين اليهود انهم بيهتمو بفرقهم المحلية كمان بشكل كبير اما احنا فللاسف بنهتم بس مش بشكل كبير يعني لازم اكتر نهتم بفرقنا وخاصة في الوقت الحالي لانه الدوري الفلسطيني رجعلنا بعد فترة كبيرة .بعدين قصة العلم ومش عارف شو ما بتعبر عن الوطنية لانه عندك ابو مازن معلقين عنده مية علم وهو اكبر جاسوس .اكيد 95 % من الفلسطينيين همه وطنيين وبيهتمو بوطنهم لانه لو ما اهتمو كان بلادنا كلها راحت من زمان وكان ما في عربي واحد بهالبلاد .
انا طولت عليك بس بالمختصر انا لقيت كلامك عاري من الصحة لانه عنا بالقدس نص العالم مدريدية ونصهم برشلونية ولا عمري سمعت انه صارت مشكلة من تحت هالموضوع عنا بالعكس مرات كتير روحت وشفت مباريات الريال والبرشا في اماكن عامة وسواء خسر الريال او البرشا ما كان يصير احتكاك بين المشجعين وبيكونو كمان قاعدين على نفس الطاولة .

بتمنى انت الي ما تزعل من رايي بس انا هيك رايي بالقصة وشكرا كتير لالك يا الدم او الحرية على المداخلة اللطيفة

مزبوط يا اخ عصفووور حكيك مزبوط بس انا ما حكيت انو ما في ناس وطنييين لا بالعكس في ناس وطنيييين اكتيييييير بعدين هدي انو ابومازن عميل ما في حد بيختلف عليها يعني معروف ابومازن انو عميل وساقط بس يعني مين احسن انو الواحد ايحط علم ريال او برشا ولا علم فلسطين اكيد ايحط علم فلسطين احسن لانو فلسطين وطننا اما ريال وبرشا احنا مش مستفيدين منهم اشي وبعدين انتا ابتحكي انو ما شفت مشاكل بين الناس عشان ريال وبرشا طيب انا قدام عيني صارت مشكله بين ناس بيشجعو ريال وناس بيشجعو برشا دبحو بعض لدرجه انو في ناس من الي كانو في المشكله اخدوهم على المستشفى فأنا انقهرت وانفلقت لانو هدول الي راحو على المستشفى ايش استفادو من ريال ومن برشا
وبعدين بحب احكيلك انو انا ما زعلت من حكيك ليش ازعل يعني بالعكس انا مبسوط اني بتناقش مع شب واعي زيك في هدا الموضوع

ومشكوووور وتقبل مروري

شكرا يا الدم او الحرية على كلامك وانا برايي انه مو غلط نعبر عن حبنا لاي فريق او شخص ونعلق صوره وكمان انا بوافقك في رايك بانه مو لازم توصل الامور الى حد الشجار بين الناس من اجل فريق او ما شابه لانه القصة ما بتستاهل وكرة القدم هي لعبة جماعية هدفها تقرب الناس من بعض مش تبعدهم ويتقاتلو .ممكن يمزحو مع بعض وينكشو راس بس ما توصل فيهم للشجار او الحقد .

حكيك صحيح ميه بالميه وانا انبسطت اكتييير في النقاش معك في هدا الموضوع وانا برأيي يا ريت لو كل الناس تفكيرهم زي تفكيرك لانو عن جد تفكيرك صحيح
شكرا كمان مره على النقاش معي في هدا الموضوع وتقبل تحياتي

يسلمو يا عصفور