سلطان

موضوع: سلطان الإثنين 08 يونيو 2009, 6:47 pm

جئتها اقول لاتنسي من اكون.... انا حلم كل بنت بهالكون
يابنت انا ولد فـــــــلان... ولي جاه بين الناس ومكــــان
انت من تدخلي أي مجلس اومكان... قولي بس فلان
والا اقولك من غير ماتقولي فلان... بتسمعي اسمي نغم على كل لسان
وبتقولي يابخت هالانسان... والله سيد هالزمان

وبتكوني بس معي سيدة هالزمان... وتشوفي الدلال كيف والعز والسلطان

تصدقي انا كل صيف اقضيه بـ"كان"... شفتيها او شكلك مارحتيها من زمان
بس لايهمك راح اخذك معي لكل مكان... وتشوفي كيف عايشه الناس بجنان
و...
"قطعت علي الكلام والاحلام وقالت

مالها بقلبي مكان"

قالت هونك هونك علي يافلان... باين عليك غلطت بالعنوان
همومي ماهي صيف ب"كان"
ولا مال ولا حتى اكون بنت سلطان
همومي اكبر من حكيك والزمان... همومي اكبر منك ومن الكلام

لكن عندي لك سؤال يا ابن فـــــــلان؟؟
ولا تظن سؤالي "كم رصيدك بالمليون

اوكم عندك من سياره ومن كم لون ؟؟
او ياترى هالمره بتصيف بأي مكان بهالكون ؟؟

سؤالي بما انك سيد هالزمان
هو ياترى العز اللي انت فيه والسلطان
يشري الفرح... يمحي الحزن

يعلمك النسيان
ينسيك الحرمان

او يجردك من مشاعر كانسان... وينسيك كل ماكان
بيخلي الفرح لك عنوان
يحسسك بالامان
يمحي من حياتك هموم واحزان
ويطفي جوا قلبك الناروالبركان

بسألك

هو بيرجع اللي مات واندفن
ويقصر ليل الحزن
هو مايخليك تفارق اهل واحباب وخلان
هو يوقف ساعات العمر والزمان

يخليك ترحل بلى ذكرى ووجه حزين
وماياخذك لدرب الوله والشوق والحنين
اوياترى يرجع ايام عمرك والسنين
وتلقى احبابك بشوق لك منتظرين

بسألك هو حقيقي انت لو رحت كل بلد وكل مكان
ولو درت الكون مليون
بتنسى همك والاحزان
ولا تزيد احزان فوق احزان
او تجردك من مشاعر كانسان؟؟

جوابني ليه تنظرني بهاللون
تريد ان اسكت ماكمل ولا يهمك ولا تهون

لكن اسمح لي اقول تبقى غلطان

وصدقني غلطت بالعنوان

همومي ماهي صيف ب"كان" ولا مال ولا اكون بنت سلطان
همومي اكبر منـــــــك ومن هالزمـــــــــان

انا كان حلمي قلب شاعر وفنان يملى حياتي حب وحنان
يجيني دوم بشوق ولهان يعوضني عن ايام الشقى والحرمان
وينسيني همومي والاحزان يحسسني معه بالامان
ويكون لي جنه وروضه وبستان فيها احلى لون من الالوان
ورود صدق وفاء اخلاص وعرفان
بس خساره الزمن ماله امان
قتل حلمي و لقيت الكل خوان
حلمي ماهو بهالزمان
مـــــات الشاعر ومـــات الفنان
وصار الزمن
انا فـــلان ابن فـــلان

عزاي ياحلم ياحب ياحنان

لكن قبل مارحل بقولك ليه سألتك هالسؤال
يمكن ياخذك الفضول
راح اريحك واقول

لان ياسيدي اللي تفتخر فيه مايعني لي ولا عنوان
و انا لي قلب انجرح من كل انسان
وانا الحزن صار لي عنوان
وانا الفرح ماله بقلبي مكان
مقبره فيها ملاااااايين
انا عنوان لكل انسان حزين
انا قلب نصبت فيه خيام للبائسين
ياسيدي انا روايه مو في عالمك ولا عالم كان يامكان
انا روايه بعالم القهر والحرمان
عالم الخـــــــــوان
عالم الخــــــذلان
عالم النســـــــــــــيان

وقالت الوداع حان
و الدرب قدامي طويل
والتفت التفــــــــــت

وبعد مامشيت خطوتين

ناديتها وقلت لحظة قبل ماتمشي

عندي سؤال لازم اسألك الان
قبل ماتمسكي الدرب وتبعدي
لا ادري القاك او مالقاك بعد سنين
قلت اسأل انا واقفه جمبك الان
قال انتِ بنت مين؟؟؟!!!
؟؟؟؟؟
؟؟؟
؟؟
؟

طالعت السماء فوق والليله كانت قمرا
وغصب عني سالت مني الدمعة
هي دمعة قهر
او دمعة حزن
او دمعة فخر؟؟
نعم فخر
قلت له بعالي الصوت
واقولها بكل صوت وبكل فخر
انا مو بنت امير ولا تاجر ولا وزير
انا بنت فقير
اابي رجل فقير
عاش فقير
ومات فقير
وافتخر انه ابوي الفقير
اهو مثل البحربس مو بجاهه وكبر منصبه بقوته بعزته بقلبه الكبير
اهو مثل النهر جارف مو بماله وفلوسه بحنانه وحبه اللي دوم بدمي يجري

اهو مثل الشجر مات وهو واقف رجله ماوطت درب الخيانه ولا العار
اهو مثل القمر مو بغروره وبمكانه اللي فوق كل البشر
بنوره اللي ينور ليل القهر
انت تشوفه مره في الشهر
بس انا اشوفه كل يوم وكل شهر وكل الدهر
بعيوني عايش بقلبي عايش بروحي عايش
مايموت لو يموت كل البشر وكل الشجر
ويجف النهر والبحر
اقولها بكل فخر
بنت فقير
وانا بعده صرت عابرة سبيل

موضوع: رد: سلطان الإثنين 08 يونيو 2009, 8:51 pm

شكرا يا دريمر على الكلام الجميل جدا

موضوع: رد: سلطان الثلاثاء 09 يونيو 2009, 1:44 am

لفت نظري العنوان الحلو وفكرت الموضوع عني لانه باسمي ههههههههههه
شكرا لك يا دريمر على الموضوع الحلو
تقبل مروري.

موضوع: رد: سلطان الثلاثاء 09 يونيو 2009, 3:28 am

مشكووووور يا اخ دريمر موضوع وكلمات قمه في الروعه ومؤثره شكرا لك
ولك مني التحيه
وتقبل مروري

» بهاء سلطان
» اجمل اغنية لبهاء سلطان
» عيد ميلاد سعيد احلى سلطان بالعالم
» كل عام وانت بالف خير يا احلى سلطان الحب
» شوفو حزب العاصفة كيف بنامو ههههههههه النوم سلطان