( عانس ) ( مطلقه ) ( أرمله ) .... أيهما أهون ؟

بسم الله الرحـمن الرحـــــيم
-------------------------------

الألقاب وما أدراك ما الألقاب وكأنها السعاده المنتهيه عندما تلقب المرأه بلقب " متزوجه "

" عانس " ............... إذاً انتي فتاة مسكينه الكل ينظر لكِ بنظرة رأفه وشفقه

" مطلقه " .............. نهاية حياتك وبداية ندم و تأنيب رهيب من المجتمع ( منتهية الصلاحيه ) Expire

" أرملــه " ............. لم أجد جملة أو وصف لحالة هذ الكلمة ، ربما من لٌقيبت بهذا اللقب أكثر فهماً في شرحها

هل للسعاده حــــــــدود معينه عندما نتجاوزها ندخل ضمن قائمة التعســــــاء !!

حدود لا حدّها الرســول عليه الصلاة والســلام ولم ينزل الله بها من ســلطان

لماذا هذه النظره القاسيه للمطلقه في مجتمعنا ؟ وكأنها اقترفت ذنب عظيم سواء كان سبب الطلاق منها أو من الطرف الآخر !!

يقول المثل ( اسأل مجرب ولا تسأل طبيب ) والتجربه خير برهان

أتوقع صاحبة كل لقب من الألقاب السابقه أكثر درايه وعلم بحالتها وبأهمية اللقب الذي تحمله

أيهما أهون لقب في نظركنّ .... ( عانس ) أو ( مطلقه ) أو ( أرمله ) ؟

لاحظوا لم اكتب خيار ( متزوجه ) في السؤال لانه يعتبر منتهى السعاده في المجتمع العربي

واخترت الالقاب التي تعيش فيها المرأه خارج سيطرة رجــل غير أقاربها ( الأب ، الأخ .... )

شكرا يا زائرة على الحوار وبرأيي انها ألقاب هي كما قلتي لكنها في الوقت ذاته أقدار

فهل لنا أن نعترض على القدر

أنا لا آبه بالالقاب

والناس عمرهم مابيسكتوا ولو كان الواحد احسن واحد في العالم بيلاقوا شي ويتكلموا عليه فيه ,,

الألقاب هذه أو غيرها وكلام الناس مو مهم ولا يأثر على حياة الانسان الواثق من نفسه والمنتج والمؤثر في الحياه ما بيتأثر ،،
الحياة ماتتوقف عند مرحله او لقب أو حدث ,, الله عز وجل خلق العباد للعباده مو لشي ثاني مثل مايظن الناس > ودام الانسان ماقصر فيها فحياته بتكون صح

أما اللي بيراعي كلام الناس فهذا بيتعب في حياته ويعاني ولا راح يعمل شي مفيد وبيظل طول عمره حزين

الناس ماهمها إلا الكلام ولا راح تسكت لازم يكونوا عارفين هذا الشي << طبيعه صعب تتغير

يعني في الأخير المشكله مو مشكله ألقاب وكلام بقد ماهي مشكله في اللي يراعي ويسمع ويتأثر ويوقف حياته على كلمه أو لقب سواء كان حلو أو لأ ،، يعجب أو لأ

واكيد كل لفب اقسى من الاخر

ربنا يصبر كل وحدة على قدرها

والحمد لله على كل شي

والحياة لازم تستمر

وشكراااااااا

شكرا يا زائرة على الموضوع المهم جدا الي طرحتيه.
انا برايي انه التلات القاب مش هينين بس اهونهم هو الارملة والسبب هو انه برايي العانس اكيد راح يكون في سبب في ذاتها لعونستها يعني ممكن تكون فتاة غير جميلة او غير محترمة او اسباب كتير تسببت في عنوستها .اما المطلقة فكمان راح يكون سبب يا فيها يا بطليقها ادى الي طلاقها اما الارملة فهي ترملت بسبب مشيئة الله سبحانه وتعالى ولا اعتراض على مشيئته .وبرايي انه المجتمع بينظر الى المراة الارملة طريقة اهون من المطلقة او العانس لانه البرم راح يكتر على المراة العانس ودايما راح تسمع حكي اما المطلقة فكمان مش راح تخلص من كلام الناس اما الارملة فراح يكون الضغط من الناس اخف عليها.
شكرا كمان مرة يا زائرة على طرحك للموضوع

كلهم اضرب من بعض بس مشكلة الارملة والمطلقة انهم بتعذبو اكتر من العوانس .....العوانس يمكن بيتعودو مع الزمن واكيد بيتعزبو .....بس المطلقات والأرامل بيتعذبو اكتر لأنهم بكونو متعودين على العيش مع رجل وعلى المعاشرة الزوجية وعلى الحياة الأسرية ولما يروح كل هاد الاشي فأكيد رح يعانو اكتر وعلشان هيك في القرآن في اية بتقول( وانكحوا الأيامي) والأيامى معناها المطلقين والأرامل.....بس كلقب انا بشوف العانس اسوء اشي.....

مشكورة على طرح الموضوع

المشكلة فينا نحن
نحب ارضاء الناس ((الي بيسمع كلام الناس عمروووووو ما بيعيش))
لكل انسان رأيه الخاص انه اذا اردنا ان نسمع كلامهم شخص يقول افعل واخر لا تفعل والاخر وانا مالي
الناس الهم ارائهم وانا من جهتي لا يوجد مشكلة لاي كان
عندما ترى مصيبة غيرك تهون عليك مصيبتك
فصاحبة هذا اللقب هي متهمة بدون جناية أو ذنب

وقد يكون احيانا هناك ذنب ولكن نحن نتكلم عن الحالات الطبيعية والمنتشرة بكثرة

وليس في هذه الالقاب ماهو هين فكل واحد منها شديد الصعوبة ولا يدرك صعوبته سوى اسيرته

واسأل الله ان يوفقك و جميع بنات المسلمين وان يرزقهم بأزواج صالحين وان يديم عليهم السعادة ولا يجعلكن اسيرات لهذه الالقاب

ولك خالص تحياتي

مشكووووووووره يا اخت زائرة الليل على الموضوع وانا رأيي نفس الي كتبو اخواني يعني كلهم هدول الالقاب مش هينين
وتقبلي مروري

مشكوره يا زائره بس انا رايء انه خلي كل واحد بحاله لاني من النوع الي ما بحب حد يدخل بخصوصيات العالم يعني مثلا
العانس:هي نصيبها في الحياه انها ما تتزوج مش قصه جمال او شي تاني متل ما احكى عصفور لانه مش كل شي المظهر
المطلقه :انا ما بحكي انه السبب بكون من زوجها ممكن هي تغلط بس هي ما بتغلط غير لتشوف عدم اكتراث وعدم احترام من اقرب الناس لالها
والارمله: هاي اكترشي بيكتر عليها الحكي لانهبصيرو يقولو عنها الناس اذا راحت واذا اجت يعني ييي طلعت وجوزها ما كمل الاربعين ييي ويييي ويييي بيكتر الحكي لا والمصيبه اذا تزوجت بصيرو يقولو ما صدقت ومات جوزها عشان تتزوج غيره

يعني هيك هيك مش خالصين من كلام العالم بالنسبه الي كلهم متل بعض

ومشكوره مره تانيه

شكرا على الحوار الرائع والمفيد للمجتمع ككل انا برايي بانه تختلف مشاكل الناس حتى لو كانو في نفس الحالة الاجتماعية يعني اكيد راح تختلف مشاكل احدى المطلقات عن مشاكل مطلقة اخرى ونفس الشيء للارملة او العانس وممكن انه الارملة او المطلقة تعيش حياة اسعد بعد وفاة زوجها او طلاقها .لذلك انا برايي انه القصة والقدر هي الي بتحكم من هو اللقب الاصعب بين الالقاب.

مشكورة يا زائرة الليل على طرحك للموضوع وانا اكيد بايد كلام الحلم الصعب الي كتبه
القصة والقدر هي الي بتحكم من هو اللقب الاصعب بين الالقاب

» عانس في عصر الحب البارد
» أيهما أجمل
» أيهما أفضل ..ألم الواقع !! أم راحة الأحلام ؟؟
» أيهما اصعب عليكي موت زوجك ام زواجه عليك ؟؟؟؟؟
» أيهما أفضل ..أصدقاء الانترنت أم أصدقاء الواقع ؟