متى تقولين ليتني ولد ؟؟

والله موضوع حلو اكتيييير وانا في نظري في منو هدا الحكي انو الولد بيروح وبييجي وين ما بدو بس البنت ما بتروح على اي مكان بدها اياه بس هدا غلط لانو ديننا الاسلامي ما منع انو البنت تطلع وتروح وين ما بدها بس شرط ايكون في حدود الشرع يعني من الاخر انا بحكي انو الموضوع الي كتبتي موجود عند أغلبية الناس وفي كمان التمييز بين الولد والبنت
مشكووووووره يا اخت ضحية زمن
وتقبلي مروري

مشكورة كتير ضحية زمن على طرح الفكرة
انا بحكيلك انا بقول يا ريتني ولد لما بستعرض حياة البنت
يعني البنت بالبداية بتكون عند اهلها وطبعا بكون ابوها هو اللي بتحك فيها وبتصرفاتها
بعدين لما تتزوج البنت بصير حكمها بايد زوجها هو اللي بقرر شو تعمل وشو ما تعمل حتى ازا بدها تروح تزور جارتها لازم تستشيره
هاد الموضوع بستفزني
انه البنت طول عمرها بتكون محكومة ولا مرة بكون حكمها بايدها
يعني ممكن المراة تصير ارملة مثلا او مطلقة وعمرها 50 سنة
ومع هيك لازم تروح تعيش عند اهلها ويرجع ابوها يتحكم فيها
يعني البنت ولا للحظة بحياتها بتكون هي حاكمة نفسها
هالنقطة بتخليني احس انه ليش هيك ليش الشب دائما حكمه بايده حتى من لما يكون ولد حتى مش شب اما البنت حتى لو صارت ختيارة بتضل محكومة
عشان هيك مرات بقول والله يا ريتني شب مع اني انا الحمد لله
اهلي تاركينني على راحتي وما حدا بدقق على تصرفاتي بس انا بحكي بشكل عام
شكرا كتير الك ضحية زمن على طرح الفكرة المهمة

شكرا لك يا ضحية زمن على الموضوع الهام الا وهو التمييز بين الولد والبنت
الصراحة انه مجتمعنا بميز الشاب كتير عن البنت بعدة اشياء
البنت اكيد بدها تقول يا ريتني ولد لما تشوف اخوها بتعلم وهي لا
اخوها بشتغل وهي لا ممنوع
اخوها بروح وبيجي وبيمشي على كيفه وهي لا
اخوها انسمحله يروح رحلة وهي لا
وكتيررررررررر من الامور اللي مهما قعدت اكتب فيها ما بخلص لانه مجتمعنا قاسي كتير وانا ما بقول انه تنعطى الحرية الا بحدود المعقول
وشكرا