ثلاث مواقف و دمعه واحده

السلام عليكم ورحمة الله وبركاته

أمامك ثلاث مواقف

وفي عينك دمعه وحده

على أي موقف تسقط دمعتك وتبكي عليها؟؟؟
1-طفل يبحث في صندوق الزبالة عن شئ يأكله ولا يجد شي فيبكي وأنت لا تستطيع مساعدته.

2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته0

3-تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم0

على من تسقط دمعتك؟؟؟؟ ولماذااا؟؟

1-طفل يبحث في صندوق الزبالة عن شئ يأكله ولا يجد شي فيبكي وأنت لا تستطيع مساعدته.
هدا موقف صعب كتير بس انا مش راح تنزل دمعتي عليه لانه ما في حد بيموت من الجوع وربك كريم ما بينسى حد .
2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته.
عمره بيكون خلص ولو انظلم في الارض فاكيد ربنا ما
راح يظلمو في السما.
3-تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم0
هدا هو الموقف الي بينبكى عليه ومش بس دمعة وحدة لانه دمعة وحدة لا تكفي .ما في شي راح يعوض حزن هالمراة على طفلها وما راح تنسى الموقف طول حياتها بعدين الطفل لسة ما شاف شي بحياته "انا لا اعترض على قضاء الله وقدره بس اكيد ما راح يكون موقف سهل".وانا اندعس قدامي مرة طفل وعن جد اثر فيي كتير المنظر .

انا بصراحه اكتر اشي دمعتي بتنزل عليه هوي الطفل الي بيندعس وهوي مع امه لانو الكل ابيعرف الام كم عزيزين عليها اولادها وكم قلبها رقيق وفي نفس الوقت زي ما حكيت يا اخ عصفور انو لسا الطفل ما شاف اشي بالدنيا وكمان المسجون وهوي مظلوم برضو بحزن عليه وكمان الطفل الي بيدور على شي ياكله في الزباله والله كلهم مواقف تدمع العين عليهم بس اكتر شي الطفل الي بيندعس وهوي مع امه
مشكووووووور اكتييير وتقبل مروري

كلها مواقف صعبة جدا بس انا مع اختياركم لانه الام صعب كتير تشوف طفلها بيموت امامها موقف صعب جدا تذرف عليه الدموع
شكرا يا عصفور النار

الموقف الاول
ما راح ابكي بالعكس انا بعمل المستحيل وبجيب اكل وبطعميه

الموقف الثاني ممكن ازعل وتنزل دمعتي
بس هيدا الانسان بكون عندو امل ولو 1%وفي كتير طرق لحتى نساعدو فيها

الموقف الثالث وهو الاصعب
والاقوا عشان ممكن يوم من الايام اكون انا هيدي الام
فهيكون كل دقيقه بموت فيها بحياتي من الوجع يلي في قلبي على طفلي (بعيد الشر)

يوم من الايام انا سمعت امرأه وهي تبكي على ابنها الذي قتل وهو في نفس عمري كان ابن الجيران
الصراحه بكيت كما ولو انه اخي
لحديت الان ما بنسا الموقف ولا اليوم يلي صار فيو هيدا الحادث بجد صعب كتير

بهيدا الموقف مو بس العين بتبكي وكمان القلوب بتبكي حزن على الطفل وحزن على الام

» مامك 3 مواقف .... وفي عينك دمعه واحده....فعلى اي موقف تسقط دمعتك؟؟
» أمامك ثلاث مواقف .. وفي عينيك دمعة واحدة
» دمعه
» من هو صاحب اغلى دمعه بالنسبة لك ؟
» اجمل دمعه