عشت اغتراب الحب

العالم المجهـول وش د خلـك فيـه


ردي ترى مانـي للأشـواق تمثـال


دامي بقايا إنسـان ليـه اشتريتيـه


ودامي طفل من علمك عشق الاطفال


لاتخجلينـي فـي كـلام المشاريـه


ولاتقتلينـي بالمواعـظ والأمـثـال


انـا الجنـون بروعتـه وبمباديـه


يشقيك دربٍ معانـدي كـل ماطـال


وانا الذي لـو عذبـك مـا فهمتيـه


عشت اغتراب الحب .. شاعر ورحال


قولي خيالي ياخيالـي وأقـول إيـه


طبعي قبل لاأعرف طريقك .. ولا زال


اما اهجري ليـل الغـرام ومساريـه


والا اقبليني مثل ماني بهـا الحـال


قلبي عذاب مصارع الوقـت يكفيـه


وبعض الحكي من بيننا عيب ينقـال