خطه لتطفيش عريس

خطه لتطفيش عريس

وخصوصا اذا كان العريس مش حسب المواصفات الموجودة في الكتالوج :


نبدأ الخطة سوا:



1- لا تظهري لاهلك عدم الرضا ... (عشان تعرفي تكملي الخطة)


2- اهم اشي بالخطة من يوم ما تسمعي بالعريس لحد ما ييجي اوعي تتحممي ..





خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..

طبعا (انتي عم بتساعدي ماما ما حد رح يحكي معك)








3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمة

لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة
انهم يكشفوكي.



4-اهل العريس (ابو الشباب) اجو... سلمي على امو بكل برود ... واعملي حالك قرفانة و شايفة حالك
بعدها اسحبي حالك على غرفتك ... (عشان بدك تز بطي حالك ولو ... )


و يلا نعرف خطوات احلى ميك
أب لهيك مناسبة :


*الكحلة : الكحلة جميلة جدا على العيون ... اتكحلي .... بس خلي الكحلة بعين اكتر من العين التانية..
وهيك بتضمني تكوني (حولة رسمي)


*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم


*الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون


و ثقلييييييييه (ولوو مش هيك الموديل ) مع شادو اصفر على وجهك بدل (البلاشر)
وهيييييييك ببين معك كوليرا ..
..


و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة
من سنة الف و تسعمية و ستة وخمسين خشبة و البابوج من العصر الحجري... تححححححفة


5- روحي عالمطبخ عشان توخدي القهوة ... بس اوعك امك تنتبه عالخبايص..


6- امشي بكل ثقة الى غرفة الضيوف ...(كل ما تكون ثقتك بنفسك اكتر بتبيني انك خبيرة
بهالامور)... وهيك .... ببلش الفار يلعب بعب ابو العريس ... وبصير يسأل حاله:
مدامها خبيرة هيك ليش اللي قبلنا
طفشو؟!!




(بس الفار بيلعب بعب الابو ما بكفي ... لازم يكزدرلو شوي ويلعب بعب العريس ابو الشباب)
امسكي القهوة ... اتفرجي بعيونه (واحولي عينيكي)... المسكين بكون وقع في الصدمة(من اول نظرة)


هو طبعا من شدة الصدمة رح ينسى القهوة... ذكريه وقوليله: " اي خلثنا يا ذلمة طول"


(يا عيني عاللي بيقرطو بالحكي .... بس اوعي ابوكي ينتبه)


طبعا اتركي الزلام يحكو بالمهم .....
ارجعي لام العريس اللي بدها تشوف جمال شعرك

(هالمرة ما بدنا نعمل مقلب ... خليه حلو فش مشكلة ... سشوريه و اربطية بسسسسسسسس


اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ...


مسكينة ام هالعريس

اذا نفذتي هالخطوات مية بالمية باكدلك ...رح تسمعي كلمة

: " يا الله " ... وتسمعي صوت ابوكي
بحكي للجماعة " شرفتونا" ... لانه الضيوف بدهم (يفلسعو ) قبل ما ينبلو هيك بلوة منيلة ....



اه شو رايكم .... ؟؟؟

ههه خلص راح اجربها مع اي عريس مش عاجبني
مشكور وتقبل مروري

هههههههههههههه
خطوات حلوة وراح تطفش العريس من اولها
شكرا جزيلا لك يا الدم او الحرية
تقبل مروري.

مشكووورات على مروركم الرائع و يلا بتجربوها مع العرسان ازا ما كنتو بدكم اياهم ههههههه

ههههههههههه والله صاير خبير فهالشغلات يا الدم والحرية على كل شكرا يا الدم والحرية على الخطط

هههههههههه مشكوووور يا اخ عصفور على مرورك

هههههههه حرام عليك كل هدا بدنا انسويه بحالنا

هههه اها مهوي ازا ما بدك العريس مجبره تعملي هدي الخطوات هههههههه مشكوووووره يا اخت ريماس على مرورك

هههههه


ههههه

بس يا صبايا اهم خطوه بالموضوع انو ما تظهري لاهلك بعدم الرضا

ههههههههه والله حكيكي مزبوط على كل مشكوووووره على مرورك الجميل يا اخت نونا