حزب العاصفة يعلن هزيمته على ايادي ابطال حزب النار

هدا الموضوع حقيقي .حصل في لعبة الرهينة الموجودة بملتقى المسابقات
حزب العاصفة اعلن هزيمته وذلك بعد انا تم وضع لارا في الرهن من قبل ريماس .ولم يتدخل اي احد لاخراجها من الرهينة يعني تخيلو الموقف الزعيمة مش لاقية حدا يطلعها ويا ريت وقفت القصة على هيك .
نائبة الزعيمة اميرة الاحزان جربت انها تطلع لارا على حسب قولها الا انها ما قدرت .فطلبت اميرة الاحزان من ريماس تسهيل السؤال .وبالفعل ريماس سهلت السؤال بس برضه ما عجب اميرة الاحزان وما قدرت تطلع لارا بدعوى انه سؤال تعجيزي .لارا قعدت مرهونة اسابيع وما دخل اي شخص من حزب العاصفة لحتى عالقليلة يتضامن معها الا اميرة الاحزان .
وطبعا دخلنا انا وحلا واسوول وخودلك مسخرة على لارا و اميرة الاحزان .وفي الاخير استسلمت اميرة الاحزان بعد ما لاقت انه ما في تجاوب بالموضوع مع اي حد من حزبها ولا حتى لارا ذات نفسها ما كانت تدخل .
فكتبت اميرة الاحزان في الاخير:

اميرة الاحزان:الصراحة السؤال صعب وهيك وقفت اللعبة انا دورت كتير حتى اني رجعت مواضيع كانت بالاخر رجعتها للاول وبتقدروا تتاكدوا من كلامي بالملتقى العام ودورت ب 13 صفحة من الاخر وتعبت من البحث يعني اذا بدكم تخلوا لارا جوا وتوقفوا اللعبة اوكي وقفوها لاني مش قادرة اكمل باقي الصفحات 40 صفحة وكل صفحة فيها 20 موضوع وانتو حريين ضلوا اتمسخروا ووقفوا اللعبة
هدف اللعبة مش الانتقام من بعض وهي مش معمولة للاحزاب الهدف هو التسلية ومعرفة معلومات جديدة والغاز سهلة وهيك اشي مش اسئلة تعجيزية او شخصية اما اذا انتو بتضلوا هيك توقفوا اللعبة فالقرار لكمو انا ما راح اشارك ابدا فيها
سلام

عصفور النار كتب لاميرة:ليش هالهبل الي فيكم هدا مش سؤال تعجيزي هدا سؤال بدو وقت زي سؤال المية حيوان انا هلا راح ادور عالجواب وراجع

وبالفعل كانت اميرة حطت سؤال المية حيوان وبتقولكم سؤال سهل طب يلا اذا سهل ادخلووحطولي اياهم.هو السؤال صعب بس مش تعجيزي يعني بدو شوية وقت وبنرد عليه نفس السؤال الي حاطيناه بدو انه الشخص يدور في الملتقى العام بيلاقي الجواب.

المهم انا رجعت وكتبت لاميرة:
اول شي انا بدي احكي اشي وبدي رد بسرعة وخاصة من المسؤولين بحزب العاصفة الي همه لارا ودريمر واميرة الاحزان.
انتو يا حزب العاصفة دايما بتحطو اسئلة صعبة زي شو اولا موضوع لعصفور النار وسالتو كمان اكتب اسم مية حيوان وكتير اسئلة صعبة بس ما توقفت اللعبة لانه كل اعضاء حزب النار كانو يدخلو ويجربو يجاوبو حتى لو غلط المهم عمرنا ما وقفنا اللعبة .اما انتو فدايما بتعترضو على الاسئلة الي بنحطها مع انها بنفس مستوى اسئلتكم .ريماس هي مش من حزبنا بس وقفت معنا وطلعتني من الرهن ودخلت بدالي لارا وللاسف ما حدا فيكم جرب حتى يطلعها الا اميرة الاحزان "معاني شاكك انها جربت "لانه لو انها جربت لاكيد لاقت الجواب وخاصة انه ريماس سهلت السؤال وقالتلكم انه الجواب في المنتدى العام ويا ريته عجب .اديش في مواضيع بالمنتدى العام خلينا نقول الف او اكتر المهم سؤال ريماس كان عن جملة والجملة هي :اللي تحبه يسأل عن كل اللي حولك بس عنك انت مايسأل !!.
يعني واضحة بانه موضوع بيعبر عن الحب او الكره او ما شابه من مواضيع يعني كان بامكانك يا اميرة تختصري تلات رباع المواضيع الي في المنتدى العام لانه كتير مواضيع بالملتقى العام بتتعلق بالدين او معلومات او قصص يعني في كتير شغلات بتقدري تختصريها واكيد الجواب ما راح يكون سهل تطوليه بس بينطال اذا اعطيتي السؤال حقه ودورتي منيح .
انا قعدت ساعتين انا وادور وانبسطت كتير وانا ادور لاني قرات كتير مواضيع ما كنت قراها وفي النهاية لقيت الجواب لانه من جد وجد .
بس انتو بدكم الاشي عالبارد المستريح وانا براهنك يا اميرة يا ريت في المستقبل تحطي سؤال زي هدا وتكتبيلنا باي ملتقى وانا وحياة ربي لاطولك الجواب .
بس انا وكل حزبي اذا ضليتو تعملو هيك راح نقاطع اللعبة نهائيا لانه احنا فكرنا حالنا بنلعب مع ناس مثقفين وروحهم رياضية مش ناس بيحرمقو بسرعة وبيحبو الشي ييجيهم عالبارد المستحيل .وفي كمان نقطة انه الموضوع الي كان السؤال عنه هو لاحد اعضاء حزبكم يعني يا فضيحتكم اذا كلامكم مش عارفينو شو ضل .هدا بيدل على فشل ذريع فيكم وثقافة معدومة عندكم مش عارف كيف انا وحزبي مستحملينكم مع انكم فشلة.

وجاوبت على السؤال وفكيت رهن لارا بس حتى افرجي اميرة انه الي بيدور بيلاقي الجواب.

وريماس كتبت لاميرة:
انت بتقولي اني انا وقفت اللعبة وانه سوالي صعب مع انه السؤال مش صعب وكان بده شوية وقت وانت طلبت اني اسهلك الجواب وانا سهلتلك اياها ولو طلبتي كمان مرة كان سهلته بزيادة وكمان المفروض انه كل الاعضاء يحاول يطلعوا لارا بس ولا عضو استنضف يدور على الجواب او حتى يكتب انه دور عشان هيك يا اميرة انت لقتيه كتير صعب لانه فش حدا غيرك جرب يطلع لارا وبعددين بالنسبة انه سؤالك المية حيوان كان سهل فسؤالك ابدا ما كان سهل انا كتير دورت بجوجل وما اجاني اسم مية حيوان وسؤال دريمر يلي بتقولي انه اسهل فهو اكيد مش اسهل من سوالي فسؤاله كان لازم الواحد يدور بكل الملتقيات وانت شوفتي انه ما حدا اعترض بالعكس المعظم دور على الاجابة وبالاخر طلع عصفور وما قلنا وانه دريمر وقف اللعبة او انت وقفتيها فانا مش فاهمة انتو ليش هيك بتسوى

وهلا ركزو برد اميرة:
لانه الكل مطقع ومش مهتم وما في غيري الا ادور بس انا خلص اتعلمت اسير زيهم واطقع احسنلي اذا هيك
وسؤال 100 حيوان انا بربع ثانية دخلت كتبت موسوعة الحيوانات وطلعلي اشكال والوان
المهم انا منسحبة من هاي اللعبة وحطوا الاسئلة اللي بدكم اياها واذا بتحب يا عصفور ارهني انا وحط سؤال تعجيزي وهالمرة اكتب كلمة بدل جملة موجودة بالمنتدى وخليني مرهونة زي ما بدك سلام

انسونا من المية حيوان وركزو شو كتبت عن اعضاء حزبها كتبت:لانه الكل مطقع ومش مهتم وما في غيري الا ادور بس انا خلص اتعلمت اسير زيهم واطقع احسنلي اذا هيك

يعني اميرة قررت تطقع لاعضاء حزبها زي ما هنه مطقعين لبعض.وهدا اعتراف خطير جدا من اميرة بيدل على مدى فشل حزبهم ومدى نجاح حزبنا لانه حزبنا بيشارك اكتر من حزبهم وبيوقفو مع بعض اكتر يعني حلا واسوول ونونا واسير الانتقام هدول انشط اعضاء عنا والدليل موجود في الالعاب وخاصة لعبة الرهينة وفي لعبة ادخل السجن .اما انتو ما في حدا فيكم بيشارك الا اميرة الاحزان وبس.
وفي النهاية انتصر حزبنا اكيد بعدانسحاب حزب العاصفة من الرهينة وغلطهم على بعض.

ههه احلى حزب هو حزب النار
وحظ اوفر يا حزب الهوا
اكيد يا عصفور نحنا يلي راح نفوز لانو نحنا ايد واحده ومو نحنا بلحزب بس مجرد اسم
لا واثبتنا جدارتنا انو نحنا بنفوت يوم يوم مش متل اعضاء حزب الهوا مره بالشهر
واكيد انا لو مكان اميره بعمل نفس الشي لانه بجد شي بفقع لانه ما في حد منهم سال ولا حتى حد منهم مفكر انه يفوت على المنتدى منشان هيك انا بقول انهم حزب فاشل
والف الف مبروك النا

على شو مبروك واي هزيمة بجد مساكين كتيررررررررر واكيد راح يطقع الكل لانه سؤال تعجيزي انو بده يدور بالساعات على موضوع بين الف موضوع وانا دورت وما لقيت وقعدت بالساعات ............. وانت حزبك اصلا شاطر بالحكي يعني لما كنت مرهون كانوا بدخلوا وبقولوا راح نرجع بعد ما ندور عالجواب وبعدين بدخلوا عالالعاب ولا معهم خبر لولا نونا او ريماس اللي بيهتموا وبجيبوا الجواب يعني حزبك فاشل كمان .............. واذا انت بتقول عكس هادا الشي انا بدي احط سؤال شبيه بسؤالكم واشوف مين بده يطلعك؟ واديش بدهم ياخدوا وقت ؟ واذا انت قد التحدي هادا اتحداني وخلينا نشوف .............. وانا ساعتها بعلن هزيمتي بالخط العريض وشكرا

طيب يا اميرة
انا هالمرة رح احكي بصفة محايدة مش بصفتي عضو بحزب النار
انا مع ريماس باللي قالته
لنفرض انه سؤالك عن ال 100 حيوان كان سهل
ما بتقدري تنكري انه سؤال دريمر عن اول موضوع لعصفور كان سهل
بس كان اله جواب
يعني ازا الواحد قعد قعدة محترمة ودور بلاقي الجواب
وهيك كان سؤال ريماس
بس ما حدا اعترض على سؤال دريمر
كنا نحاول ونجرب ونخطأ وهاد مش غلط
بس بالنسبة النا كل سؤال منحطه بتعترضوا عليه
وبصراحة هاي بتضل لعبة
مش كل ما لما تعجزوا عن جواب تصيرو تحكو بدنا ننسحب وما بعرف شو
انتي بلسانك قلتي مش الهدف الانتقام
هي بالاخر لعبة والحلاوة فيها هي الاسئلة اللي فيها نكشة
يعني ازا كل الاسئلة بدها تكون سهلة وسخيفة وين الحلاوة
بتقدري تجاوبي على سؤال فك الرهن
وازا ما اعرفتي خلص ما في داعي للزعل
لذلك انا بالنسبة الي رح احكي عن حالي هلا
انا بشوفك اميرة وحدة من انشط الاعضاء بالمنتدى
ومشاركتك بكل المواضيع بتهمنا كلنا وانتي بتعرفي هالحكي
وانا بصفتي مشرفة على ملتقى الالعاب والمسابقات بطلب منك ما تنسحبي من اي موضوع بملتقاي
لانه كتير بهمني مشاركاتك
بتمنى ما تكوني ما زعلتي من شي انا قلته
وازا كان اسلوبي مش حلو بعتزر
بس لانه ما بهون علي زعلك

» من عصفور النار الى حزب العاصفة
» اسماء اعضاء حزب العاصفة ضد حزب النار
» فيديو حزب النار قاهروا العاصفة
» كاريكاتيرات مهداة من حزب العاصفة لحزب النار
» فيديو كليب صادر من حزب النار ......... عصفور النار + زائرة الليل