مبروك الخسارة يا عصفور النار

الف مبروك لمشجعين نادي برشلونة بمناسبة الفوز الساحق والمذل لنادي ريال مدريد على أرض ملعب السنتياجو برناباو (ملعب ريال مدريد)...

مبروك لألي وللدم أو الحرية ولأمبراطور الظلام .....ولكل مشجعين نادي برشلونة



وهارد لك لعصفور النار وأحلى سيمو ودريمر وكل المدريدين......وتعيشو وتاكلو غيرها

ويا عصفور زي ما طلبت اعطوك ...طلبت 6 اهداف وفعلا برشلونة خزقوكم 6 اهداف.....ه

ههههه
مبروك الفوز لبرشلونة
ولسكر كمان باعتبار انه برشلوني
وفعلا هارد لك لريال واحلى سيمو وعصفور
بس والله اشي بخزي
6 -2
هههه

هه زلمتي يا سكر مسكين هلا عصفور ما ضل في بيتهم محارم من كتر ما عيط قال بيقلنا قبل المباراة بنشوف هينا شفنا 6_2 يعني فزنا بجدارة واحلى سيمو كمان احكيتلو انساك من ريال مدريد بس ما رد عليي وهي النتيجه والله انو برشلونه اسود كرة القدم وأنا برشلوني حتى النخاع

الله يبارك فيكي وعنجد اشي بيخزي يعني لسه لو المدرب ما هدى اللعب بالأخير كان دخل اكتر من هيك اهداف........

اسمع لما حكتلو امبارح لعصفور قبل المباراة شو هو برشلونة وشو قيمته فحكالي شو قيمته وصار يتمسخر حكتلو ستبدي لك الأيام ما كنت جاهل........برشلونة مستوحش في هاد الموسم م وهو عبارة عن ماكينة أهداف وقرأت في موقع كوورة انو هجوم برشلونة (ميسي -ايتو -هنري) هو أقوى هجوم في تاريخ الدوري الاسباني.....اسمع يا مان ....انا متأكد انو الريال اتندمت على الساعة اللي جابت فيها الهدف الأول لأنو لما جابو الهدف الأول برشلونة جابت 3 أهداف....... قامو المدريدين المسكين كررو غلطتهم وجابو الهدف التاني في الشوط التاني قامو برشلونة جابو كمان 3 اهداف ...يعني يمكن لو جابو الريال هدف تالت كانت انتهت المباراة 9-3 .......ه

اخ مبارح لو شفتو عصفور اخ.مبارح كنا رايحين على نادي بيعرضو في المباريات كنا اربعة رايحين بيناتنا عصفور .وبالطريق صارت معنا مشكلة صغيرة اخرتنا نص ساعة عن المباراة وكان طول الطريق عصفور نازل يتفلسف الريال ومش الريال .ووصلنا للنادي على التسعة ونص وخمسة واول ما دخلنا على النادي دخل ميسي الجوول التالت وعصفور صفن بالشاشة والله لا يفرجيكو منظره .المهم قعدنا وبلشنا نضحك على عصفور ونتمسخر وخلص الشوط الاول وبلش التاني وعصفور ساكت لحد ما دخلو الجوول التاني فرجعت طاقته لعصفور ورجع البرم وصار يقولنا شايفين الي بيضحك بيضحك بالاخر .ههههه والاخر كلكم عارفينو .

ههههههههه والله ضحكتوني ههههههه
اصلا يا ابو سكر الريال صارلو موسمين بيلعب من دون منافسة على الدوري وعشان هيك قولنا نعطيكم اياها بعدين انا راح اضل طول عمري فخور بالريال وراح اضل فخور فيه .الريال مبارح خلى اللعب مفتوح مع انه كان بيقدر يسكر على برشلونة بس الريال كانو مهتمين اكتر بانهم يفوزو يعني هاي النتيجة كانت برضى الريال والريال ساعد عليها .وقبل ما تبرمو على الستة تنين روحو اطلعو على لقاءات الفريقين والنتائج عبر التاريخ بتعرفو مين الافضل وبتشوفو نتائج اكبر من هيك حققها الريال على البرشا .بعدين برشلونة بدو سنين طويلة لحتى يحطم الارقام القياسية الي حققها افضل نادي بالعالم نادي ريال مدريد مبروك عليكم هالمرةبس المرات الجاي بنعوضها وبدي اشوف انو فيكم راح يبرم.
الدم والحرية انت بعتلي رسالة وبتقولي الانتصار والفوز التاريخي ولا مرة هدا انتصار تاريخي روح شوف البرشا لما اكل 10 و11 جوول من الريال هيك بيكون انتصار تاريخي.
اما انت يا كابو فهلا انا ضليت ساكت ولك لما دخل الجوول التاني تبع الريال وقع قلبكم وصار وجهكم احمر بعدين صرلكم سنين ما انبسطتو قلنا نخليكم تنبسطو شوي.
وانتي يا اسوول معانا ولا علينا .بس مقبولة منك.


سيمو دريمر ولا يهمكم الريال قدها وقدود ولازم انضل واثقين في فريقنا وحتى لو ما اخدنا الدوري هدا الموسم فاحنا اخدناه بالموسمين الماضيين ولو اخدناه هلا كان بطلت حلوة يعني بنصير نلعب بدون اي منافسة .فعشان هيك نو بروبليم الموسم الجاي ان شاء الله الدوري والكاس ودوري ابطال اوروبا كمان.
تحياتي للريال ولعشاق الريال .

هههههههههههههه مسكين يا عصفوري
بروك لبرشلونة الفوز الكبير اللي حققته فعلا شيء مشرف جدا وبيرفع الراس
ومنيح ما اجتك جلطة يا عصفور يلا تعيش وتاكل غيرها ههههههههههه

انتي شو الك في الفوتبول يا سلة هههههه خليني بلعبة الفطر احسنلك

انا حرة انت شو دخلك وما اتقل دمي كتير تقلان ههههههههههههه

تقلان يا خفيفة

ه قال النتيجه كانت برضا الريال وكان بيقدر ايسكر على برشلونه هههههههه يا مان هاي لجوال أجت غص بن عن الريال وبشطارة برشلونه وبعدين ازا زي ما ابتحكي انو برضا الريال وانو كان قادر ايسكر على البرشا مش معقول ايخلي الفرق 4 اجوال يا زلمه فضحتووووووووووووووووووووووونا بعدين بيغض النظر احنا غلبناكم غلب شنيع مش عادي وفي النهايه احنا الي غلبنا وريال مدريد ودعت الدوري وبس بحب احكيلك هارد لك في المره القادمه

ههه والله ضحكتني يا الدم والحرية اذا احنا ودعنا الدوري هالمرة فاحنا كمان اكتر فريق اخد الدوري واكتر فريق اخد الكاس واكتر فريق اخد دوري ابطال اوروبا يعني احنا اصحاب الرقم القياسي الي من سابع المستحيلات برشلونة يوصل للي وصله الريال .
للاسف يا الدم والحرية انه انت ناسي اهم حقيقة وهي انه الريال افضل نادي في العالم في تاريخ كرة القدم وهدا مش رايي هدا واقع بيعترف فيه كل العالم .لانه ما حدا وصل للي وصله الريال .
وانتو كسبتو هالمرة بس شوف اكم من مرة خسر الريال من برشلونة واكم من مرة خسر برشلونة من الريال يعني لسة بدكم كتير لحتى نتعادل ههههههههه

هههههه احكتلي افضل نادي في العالم ومن سابع المستحيلات انو نوصل للوصلو عشان هيك حطينا في 6 جوال يا زلمه كمان الك عين تحكي بعد هدا الغلب الشنيع بعدين انا ما الي في الماضي انا الي في الوقت الحاضر ايش بيصير يعني ما اضلك تحكيلي كنا وما كنا زي ما احكتلك انا الي بس شو بيصير في الوقت الحاضر انو احنا كسرنا عين ريال مدريد هههههههههههههه

صباح الخير افضل نادي ....ومانشستر وين راح .....وبعدين عصفور لا تحاول تنكر الواقع .......خلص يا عمي ارضى بنصيبك...ههههههههههه
الواقع بقول انو الريال اتشرشح وانمسح فيه الأرض وكل المحللين الرياضين حكو انو النتيجة كتير مفاجئة......
يعني نادي كبير زي الريال (طبعا حسب رأيك) ممكن يكون في غير وضعه فينغلب 1 -صفر ...2- 0 2-1....اما يتشرشح ب6 أهداف وقسما بالله لولا المدرب انو حب يريح هنري ونيستا علشان يلعبو منيح مع تشلسي ولعيبة برشلونة هدوى اللعب بالآخر لكان دخل فيكم اكتر من هيك بكتير....وبعدين لا اضلك تحكيلي عن الماضي ....الحاضر بقول انو برشلونة مسح الأرض بنوادي مشهورة زي بايرن ميونخ أقوى نادي الماني(4-0) وليون أقوى نادي فرنسي(4-0) ويال مدريد اتشرشح ب 6اهداف .....

وشكرا الكم جميعا على الردود

والله يا ابو سكر شكلك مش بالدنيا روح اسال انو اكتر فريق فاز بدوري ابطال اوروبا بيقولولك مين .بعدين روح اتفرج على جميع نتائج لقاءاتالريال مع البرشا وبتشوف اشياء ونتائج عمرك ما حلمت فيها اذا في لعبة وصلت النتيجة فيها 11 جوول للريال وجول واحد لبرشلونة هدا بيتسمى تشرشح.
بعدين ولا مرة بتكسرو عين الريال لانه الريال طول عمره وهو داعس على برشلونة.

مهوي احنا اصلا كسرنا عين الريال وخلصنا هههه

عصفوري فوت على ملتقى الرياضي وشوف تصنيف الاتحاد الدولي للنوادي........حكتلي ريال مدريد افضل نادي في العالم
افضل نادي هو مانشستر يونايتد بعدين برشلونة وبعديها تشلسي وريال مدريد مرتبته ال25 على العالم .... سجل انا كاتالوني

اسمع يا ابو سكر انساك من قسة التصنيف انابحكيلك على التاريخ ككل يعني ادخل وشوف انو اكتر نادي فاز بدوري ابطال اوروبا وشوف انو اكتر نادي فاز بالدوري الاسباني وشوف انو اكتر نادي فاز بكاس اسبانيا وبعديها تعال احكي