أربع أمنيات لأربع نساء

شكرا يا عصفور النار على الموضوع

والله انها هبله تيجي تتجوز واحد عربي لتئرف حالها في احلى من الحريه

يسلمو يا عسل

له له يا لارا .صدقيني انه الرجل العربي افضل بكتير من الاجنبي بيكفي انه بيخاف على عرضه مش زي الاجانب بتلاقي المرة بتطز بهالولاد وكل ولد من اب بس بتسجلو باسم اب واحد
على كل شكرا لمرورك وشكرا يا كابو على مرورك

مزبوط كلام عصفور يا لارا الرجل العربي عندو غيره على عرضه وشرفه وهو أكيد احسن من الرجل الغربي..........
مشكور يا عصفور على الموضوع

مشكورة يا عصفور على الامنيات للنساء الاربع واكيد انه الحمد لله اني انولدت مسلمة

هههههههههههه بفكرو انو الزوج العربي بس انو الرجل يصرف على المرأة يجو يشوفو الئرف الموجود عند رجال العرب
بعدين هلا الرجال العرب لما بدهم يتزوجو اول شرط بكون انو العروس تكون بتشتغل يعني هلا ما في فرء بينا وبينهم غير انو
ئرف دار الاحمى والحماية واهلو وئرفهم هههههههه تيجي تتتزوج عربي كلمتو من راسو شو ما بتحكيلو امو بكون دندولها وبيرد
مرسي على الموضوع

هه ههه
ههههههه
هههه


شو هاد يا رنوش طولي بالك مالك زعلانه

يا رنوش بتعرفي اديش انا بحترمك وبحترم ارائك بس هالمرة مطر اقولك انه كلامك فش منو يعني بالنسبة انه الزوج بكون بدو مرته تشتغل فانا برايي انه هدا الكلام موجود في مجتمعنا بس مش بنسبة كبيرة يعني نادرا ما بيكون الزوج متزوج مرته بس عشان تجيبلو مصاري .واكيد هدا بيكون انسان ساقط بس انتي بتحكي عن حالات نادرة .انا الي شايفه من الناس الي حوليي انه النسوان بيكونو قاتلين حالهم عشان يشتغلو وفي اغلب الاوقات الزوج بيرفض وانا شفت كتير حالات هيك ولا عمري شفت رجل مشغل مرته عشان تجيبلو مصاري .بعدين كل صحابي واخوتي وجيراني ولا واحد فيهم مشغل مرته مع انه الشغل مش غلط بس انات شخصيا ما بايد عمل المراة الا يمكن في مجال واحد وهو انه تكون مدرسة .
بعدين بتقولي انه الرجل بيكون بيسمع كلام امه طب ماحنا دينا قلنا "لا تقل لهما اف ولا تنهرهما" يعني بدك الزلمة يخالف كلام ربه ورسول الله صلى الله عليه وسلم عشان بنت هدا بيكون دندول مرته .بالنسبة لالي اكون دندول امي ولا اكون دندول اي بنت في الدنيا .

ماشي يا عصفور بس لما يكون حكي امك غلط وفي خراب لبيتك بترد؟؟؟؟؟؟؟؟؟؟؟ معناتو الله يعين مرتك ماشي كلام الام والاب على العيين والراس بس لما تكون مرتك منيحه وموفرالك كل شي وبتحبها وتيجي امك تئلك والله انا ما بحب مرتك وطلئها وانا بجوزك احسن منها بترد يا عصفور على امك؟؟؟؟؟؟؟؟؟؟؟ وبتشرد عيلتك وولادك وبتظلم مرتك اللي مضحيه براحتها عشانك عشان بس ترضى امك؟؟؟؟؟؟؟؟؟؟؟؟؟؟؟؟

يا لارا هلا انتي بتقولي انه الزلمة سبب المشكلة بس للاسف انتو السبب لانه الام هي انتو يعني انتو بتخربو بيوت بعض حسنو عقولكم شوي وكبروها وجددو تياسة بعدين احكو هدا بيرد على امه .
يعني يا لارا بدي اسالك سؤال بما انه انتي ام فكيف راح تتصرفي بالمستقبل مع مرت ابنك ؟
جوابك راح يكون راح تتدلليها وما تدخلي فيها .واذا سالنا اي امراة في العالم راح يكون جوابها نفس الشي يعني كلكم راح تدللو ومش عارف شو .بس للاسف جوابكم ما بيصير في الحقيقية كل وحدة فيكم بتعجب على كنتها .يعني زي كانو الدنيا بتدور اليوم بيتعجب عليكي وبكرا بتعجبي على كنتك .
المشكلة هاي مشكلة فيكم انتو يعني انتو حلوها بس برجع بقول الي بيرد على مرته بيكون ساقط ولي بيحكي كلمة عاطلة عن امه بيكون ساقط .بعدين انتي يا لارا ولا اي وحدة فيكم بتردوش على امياتكم .اصلا ام الزوجة هي الي بتخرب البيت لانه هي بتزن فراس بنتها واعملي هيك بجوزك واعملي هيك بسلفتك واوعك تنسي تسبي على حماتك .
نسوان حكيهم افضى من الفاضي بس للاسف الشديد ربنا وصانا عليكم فشو بدنا نعمل بدنا نصبر عليكم هل اكم من سنة وبعدين بنروح عالجنة وبنشوف الحور العين وبنرتاح منكم ومن قرفكم بلا نسوان بلا هم.

بدنا نصبر عليكم هل اكم من سنة وبعدين بنروح عالجنة وبنشوف الحور العين وبنرتاح منكم ومن قرفكم بلا نسوان بلا هم.


هههههههههههه ومين قلك يا عصفور انك راح تدخل الجنة يعني واثق من حالك كتير ه

وبدي كمان اعلق على حوارك يا عصفور يعني الشب بالنهاية هو رجل اله شخصيته المستقلة يعني مش ضروري يرد على حد وكمان
الرجل الي بفهم راح يسوي الي فيه مصلحته بس للاسف فش ولا زلمة بفهم والحمد لله


.

ههههههههههههه كانت الئصة بتخص النساء صارت للرجال المشكلة عمرنا ما حبينا في الرجل طريئة تفكيرو واكيد الرجل كمان ولكن سبحان الله خلق الكائنات الحية من ذكر وانثى وما في حد بيئدر يستغني عن التاني
المرأة ام واخت وزوجة وابنة
والرجل اب واخ وزوج وابن
انا مو ضد الحماية ودار الاحمى الوحدة لما بتتزوج بتترك اهلها وخلص بتنتسب لاهل زوجها
من واجبي امام الله تعالى اني احترم حماتي ولكن ليس على كرامة نفسي صح ولا انا غلطانه
وانا طبعا دائما بحكي الانسجام بين الحماية والكنة بترجع لشطارة الزوج وكيف ممكن يتعامل مع التنتين
يعني ما بزعل امي وما بغضبها بس بنفس الوئت ما بظلم مرتي طبعا المرأة لما بتتزوج بتحب تشوف زوجها رجل الو كلمتو والو هيبتو بس لما بتلائي انو الزوج بسمع كلام امو وخواتو وهاي بتحكي من جال وهديك من ناحية والام سواء كانت على صح او غلط كلهم بكونو شيطان اخرس وبيحكو صح على الغلط وبئيدوه اكيد راح تكره الزوجة مو بس حماتها وحتى عيشتها معهم
لازم يكون الرجل ذو حنكة اللي يئدر يئرب الام من الزوجة والعكس صحيح
خلص انا حكيت كتير بكفي واعتقد اني بينت وجهة نظري
والسلام على من اتبع الهدى

والله يا رنوش هيك عجبني كلامك يعني لازم على الرجل انه ما يجرح شعور امه ولا شعور مرته لازم يختار حل وسط واذا ما ظبطت معو يقطع روسهم التنتين ويروح عالسجن وبيحكمو عليه بالاعدام وهيك بيتريح من هم النسوان .

شكرا يا ذات الهر الاسود على مرورك بس بالنسبة لكلامك انه في شوية خيال بالموضوع فهدا الشي احكتو اكتر من وحدة فيكم وانا مستغرب يعني وين الخيال بالقصة بس انتو والحكي موجه لبنات ونساء المسلمين مش عارفين النعمة الي انتو فيها كل وحدة فيكم بتتمنى الحرية والمساواة زي الاجانب مع انه تعالي اتطلعلي لحرية الاجانب فبتلاقي معدلات الاغتصاب عندهم اعلى بكتير من المعدلات عنا وهدا لانه البنت الغربية بتكون دايرة على حل شعرها لا هممها ابوها ولا اخوها ولا جوزها وحتى ابوها ما بيقدر يحكي معها اشي بتحبسه اذا احكى كلمة .اما احنا المسلمين فبتلاقي كتير ناس بيضغطو على بناتهم وبناتهم بيفكرو هدا الاشي ضغط وخطا من اهلهم بس كل هدا لمصلحة البنت حتى ما يصيرو بناتنا صيد سهل فايد كتير من الذئاب الي بتربصولها.بعدين تعالي لنسبة الانتحار بتلاقيها اكتر عند الاجانب .وما تقولولي انه الانتحار والاغتصاب موجود عنا لاني بعرف هدا الشي بس هدا الشي بيكون موجود في البنات الشرقيات الي اهلهم اعطوهم المساواة الي بدكم اياها وبتطالبو فيها .

انا معك يا زائرة انه الاهل لازم يعطو البنت شوية حرية بس في بنات فاهمين الحرية اشي تاني يعني اذا اهلها اعطوها الحرية ممنوع حدا يحكي معها كلمة ولا اخوها ولا ابن عمها ولا حدا .بعدين انا معك انه في بنات قد الثقة بس كمان في بنات الشيطان بيقدر يضحك عليهم لانه الشيطان ما في اشطر منو .بعدين يا زائرة انت بتقولي انه الرجل الشرقي مش كامل طب يعني الرجل الغربي هو الكامل ؟اذا بوجهة نظرك كامل او حتى افضل من الرجل الشرقي فقوليلي ليه؟

انا بما اني بشتغل بعرف هيدا الشعور

عن جد كتير اوقات بتمنى اليوم يلي ارتاح فيه واترك الشغل مع انو صعب هل الشي بس مو مستحيل ممو هيك

ما في احلى من الست لما تكون ملكة بيتها

لك شكري الجزيل عصفور النار على الموضوع الرائع