مسابقة الصور (1)

تذكير بمساهمة فاتح الموضوع :

مرحبا يا حلوين..........اجتني فكرة حلوة وهيه تطوير لعبة الصور الى مسابقة بين 3 أعضاء ........واللعبة بتكون اني أنزل 6 صور ويلي بيعرف صور أكتر (يعني أصحاب هاي الصور) بياخد نقاط أكبر .....يعني على كل صورة نقطة ........وكل ما ينتهو الصور بنزل صور جديدة ...واللي بيوصل عدد نقاطه ل30 بكون هو الفائز .....وبنرد بنختار كمان 3 أعضاء.........

وانا أخترت في أول مسابقة 3 أعضاء بشوفهم مهتمين بهاي اللعبة وهمه أميرة الأحزان وريماس ولارا .........والمرة الجاي برد بختار غيرهم.......وان شالله تنجح هاي المسابقة........وممنوع مشاركة أعضاء غير المذكورين


والصور طبعا ما رح يكون سهلين يعني فيهم شوية صعوبة علشان التحدي يكون أكبر........يالله نبدأ المسابقة

اليكم الصور

1


2


3


4


5


6


بالتوفيق

الثانية وزير الخارجية السوري وليد المعلم

السادسة لامارات رزق ممثلة سورية

الخامسة لممثل افلام رامبو اسمه سلفستر ستالون

والله ما انتي قليلة يا أميرة ........في صور ما اتوقعتك تعرفيها.........برافو وبتاخدي 5 نقاط

هههههههههههه طبعا مش قليلة ولا شو فاكرني يا سكر ههههههههههه

اش هدا استغلاتوا غيابي عن المنتدى لمدة يومين وارجع واشوف هيك صاير لا هيك ظلم انا الي اسبوع يا سكر بستنى اتحط الصور ولما شوفتني ما دخلت على المنتدى قومت وحطاط الصور عشان اميرة اتجاوب وتفوز

المشكلة انك يا سكر بتتاخر كتير لما تحط الصور وهذا غلط منك لازم اول ما يخلصوا اجابات الصور تحط بسرعة عشان ما تزعل ريماس اوكي واصلا لما حط الصور انا بالصدفة دخلت بعدها يعني ما في اتفاق ولا شي

ريماس كتب:

اش هدا استغلاتوا غيابي عن المنتدى لمدة يومين وارجع واشوف هيك صاير لا هيك ظلم انا الي اسبوع يا سكر بستنى اتحط الصور ولما شوفتني ما دخلت على المنتدى قومت وحطاط الصور عشان اميرة اتجاوب وتفوز

عنجد يا ريماس هاد حكي ما بينحكي وعيب ينحكى.....انتي هيك بتشككي فيي .....وانتي بعتيلي رسالة وقلتيلي انو احط الصور بالوقت اللي انتي بعتيلي الرسالة وقلتيلي لا تحط الصور بكرة لأني ما بدي افوت.......فأنا قلتلك اني كمان شوي بدي أطلع لأني مو فاضي هلأ ...وقلتلك علشان العدل بحط الصور بعد بكرة ومو بكرة وانتي ما بعتي رد فأنا قلت انو انتي وافقتي وفعلا حطيتهم زي ما حكيت........فانتي عيب بعد كل هاد تحكي هيك حكي ............وانا بتأخر بوضع الصور علشان تفكرو منيح وتاخدو وقتكم..........بس انا عنجد زعلت منك يا ريماس

يا ريماس لما انت كنت تفوزي علي وتردي بسرعة وما اكون انا فايتة المنتدى كان بالنسبة لي عادي فليش هلأ لما انا سبقتك بالاجابة زعلتي وقلتي انه ظلم مع اني انا ما زعلت قبل لما انت كنت تسبقيني لانها مجرد لعبة هاي وخلص اذا اللعبة فيها زعل انا قررت اني انسحب من اللعبة هيك بكون احسن وشكرا.

أميرة ما بيصير تنسحبي هيك ببساطة وانا مستني رد ريماس

انا متأكد ريماس مو قصدها ........لأنها ما ردت ........فأنا برأيي نستأنف اللعبة .........
الصورة اللي ضلت وانتو مو عارفينها هيه صورة للشاعر أحمد شوقي.......احنا يا جماعة هدغنا من اللعبة انو نتعرف على أشكال شخصيات بنسمع عنها بس ما بنعرفها

النتيجة
ريماس 14 نقطة وأميرة الأحزان 15 ولارا 1
وتأكدي يا ريماس انو انا ما بتحيز لحد وانتي وأميرة ولارا بعزكم بنفس المعزة

ناخد المجموعة السابعة والمنافسة لساتها بنصها واتزكرو انو المنافسة بتنتهي عند ال 30

1


2


3


4


5


6


وهيني حطيتهم بوقت ولا حد فيكم موجود علشان ما حد يقول اني بتحيز لحد .....موفقين

انا راح ارد على بعض الصور بس بما انه ريماس ما ردت مش عارفة شو اقول؟ وانا برأيي انه ترجع المسابقة بدون نقط احسن عشان ما يسير في زعل

1 احمد رمزي

2 بشار الشطي

5 شادي اسود

أميرة وين الزعل احنا لازم نتعود على النظام والمنافسة واحترام الرأي الآخر وبتوقع عقولنا أكبر من انو يصير زعل علشان شغلات تافهة ......المسابقة رح تستمر والنقاط رح تستمر .....والنقاط هدفها هو زيادة روح المنافسة......والصور الها محطوطة يوم كامل.....وطبعا بتقدروا تشوفو فرق الوقت بين وضع الصور وبين رد أميرة

وأميرة أجوبتك صح وبتاخدي 3 نقاط

وبتمنى من ريماس انها تستمر في المسابقة

وانا راحل اكمل باللعبة

الصورة التانية: للممثلة الزبيدة ثروت

السادسة : لمطربة مرام

برافو يا ريماس وبتاخدي نقطتين

ايوة هيك يا ريماس ورينا شطارتك يا قمر يا منافستي القوية ههههههههههههه

3 ممثلة سورية مش متزكرة اسمها بالزبط بحاول ادور وارجع

صحيح حاولي تتزكري.........

تعبت وانا ادور بس اسمها رواد عليو
ومثلت في غزلان في غابة الذئاب واشواك ناعمة

برافو اجابتك صحيحة وبتاخدي نقطة
النتيجة لهلأ
أميرة الأحزان: 19 نقطة
ريماس: 16 نقطة
ولارا : مصررة اتضلها على نقطة......ههههههههه

انتظروا المجموعة الثامنة

المجموعة الثامنة
1


2


3


4


5


6

الصورة الرابعة لتامر عاشور
الصورة السادسة لعبد المنعم مدبولي

برافو ريماس نقطتين لرصيدك

الصورة التانية للمك المغرب محمد السادس

مزبوط يا ريماس وبتاخدي كمان نقطة

الصورة الخامسة هي لنائب صدام طه يس رمضان

برافو والله داحلة معك يا ريماس وبينضاف كمان نقطة لرصيدك