فلسطيني غصب عن الكل

فلسطيني غصب عن الكل

قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش

فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
ممنوع تجدد هويه
ممنوع تجدد بسبور

فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور

فلسطيني ممنوع تتظلم
ولا يطلع بجناحك ريش
فلسطيني ممنوع تعيش

فلسطيني بكل المطارات
اسم ك بالاحمر مكتوب
وعلى شباك مصلحه الجوازات
كتبوا علي جبينك مطلوب
لازم تتوقف ساعات
مذنب او من دون ذنوب

و يتوجه الك اتهامات
انك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب
مع انو الحقيقه ...
انا الي بالدنيا ضحيه


عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و غزة الابية

انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي ..
فلسطيني وأفتخر

مشكور كتيررررر اشي حلووو كتيررر يسلموو

فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
ممنوع تجدد هويه
ممنوع تجدد بسبور

مشكور كتيريا ابو سكر وتقبل مروري

شكرا لك يا سكر موضوع رائع بالفعل تقبل ارق تحياتي