سهرة مع عضوووووووووو

وردة القمر حبيبتي مشكورة كتير على السؤوال

ابشع موقف هو لما اتوقف التصويت
بالاكاديمية بس

اما احلى موقف اني هلء ضيف بالموضوع هيدا فا بشكر اميرة الاحزان على
هل الشي

دريمر المنتدا اكثر من رائع

واشعر انه مصدر الفرحه بايامي هذه

واكثر شي بحبه بالمنتدا الاعضاء

واكثر شي بشدني للدخول اليه هو قلبكم الطيب


مشكور دريمر كتير على السؤال

كل فترة وفترة ادخل واجد افكار رائعة جديدة
شكرا لك يا اميرة الاحزان على الفكرة الرائعة ويا ريت اكون احد الضيوف بيوم ما مع اني لا ادخل كثيرا وقد اعجبت كثيرا باجابات عصفور ونونا الصريحة جدا

وانا عندي سؤال لنونا وهو؟
ما هو اكثر نيك نيم لفت نظرك واعجبك بالمنتدى؟ولماذا؟

تقبلوا تحياتي ومروري البسيط مشكورين.

شو اكتر شي ندمت عليه نونا بحياتها؟

هههههههههههه والله نازلين اسئلة فيكي يا نونا وهاد اكيد من حب الاعضاء لك احلى نونا وايضا لانك انسانة صريحة يلا استحمليهم خخخخخخخخخخ

سلطان الحب كتب:

وانا عندي سؤال لنونا وهو؟
ما هو اكثر نيك نيم لفت نظرك واعجبك بالمنتدى؟ولماذا؟

.

الصراحه بدي احكي عن نيك نيم لفت نظري مو اعجاب بس فضول ليش ؟؟
اسير الانتقام

ليش الانتقام كل هل قد بدو ينتقم من شو وليش

هادا هو

مشكور كتير على المشاركة وعلى السؤال

عصفور النار كتب:

شو اكتر شي ندمت عليه نونا بحياتها؟

على صداقة ناس ما بيستاهلو اكون صديقتهم

هاد شي صعب واجا الندم بوقت متاخر شوي

مشكور عصفور النار

وردة القمر كتب:

نونا انا بدي منك ترتبيلي افضل عشر اعضاء بالمنتدى برايك ومع ذكر السبب وشكرا لالك

دريمر عشان فتحلنا مجال نكون كاسره بهل المنتدا ولطيبة قلبو

عصفور النار لئنو الريس وانه مميز جدا في المنتدا ان كان بالمواضيع ولا باي شي تاني

امورة القدس اكثر انسانه بحب مواضيعها بالمنتدا وبحب دايما اشارك معها

اميرة القدس احترم جدا مواضيعها المميزة واسلوبها المتالق

ولارا لخفة دمها وبحب اقلها فقدتها كتير هل الايام

بنوته اموره بحسها انسانه طموحه ومن وقت دخولها لفتت نظري

ابو سكر بحب مشاركاته بالمنتدا وبحب الحوار معه

ريماس مواضيعها ومشاركاتها رائعه

عاشق العذاب انسان رائع

وطبعا وما بنسا اسير الانتقام هههههههه انا بعتبرو دوشة المنتدا

ولسه في كمان بس انت طلبتي 10

بس في ريماس
وطبعا انت لفتي نظري
وابو حيط مجد يلي غايب
وزائرة الليل

وكتير كمان


وسوري كتير اذا نسيت حد مهم بالمنتدا

اميرة الاحزان كتب:

هههههههههههه والله نازلين اسئلة فيكي يا نونا وهاد اكيد من حب الاعضاء لك احلى نونا وايضا لانك انسانة صريحة يلا استحمليهم خخخخخخخخخخ

تعرفي شو انا مبسوطه كتير بأسئلتهم وبحاول كتير اكون صريحه
ومتل ما انت شايفه


بس هيدا شعور حلو كتير

وكل هل الشي بفضلك مشكورة كتير عزيزتي

والله بجد احلى نونااا والله يا نونا انك بتجنني يا احلى نونااااااااااااا بالمنتدى صراحتك بتجننن والله بجد انك عسل يا احلى نوووونا بالمنتدى

احلى نووووووووووووونا

وانا احب ان اشكر نونا على صراحتها الرائعة جدا واجاباتها الصريحة والصادقة والمعبرة عن شخصية فتاة قوية جدا مع تمنياتي لك يا احلى نونا بالنجاح والتوفيق في جميع مجالات حياتك ان شاء الله وسهرتنا معك كانت حلوة وممتعة كتير مشكورة جداااا

بسم الله الرحمن الرحيم

والأن جاء دور شخص عزيز ورائع ومتألق جدا بالمنتدى ......... مشجع فريق برشلونة ........... مواضيعه ينتقيها بعناية بحيث تكون غريبة وجديدة وغير مكررة .......... انسان خلوق بمعنى الكلمة .......... وهو معنا من بدايات افتتاح المنتدى ............ سهرتنا التالتة راح تكون مميزة ايضا كما كانت سهرتنا مع عصفور النار ونونا .............. سهرتنا مع انسان عسل وسكر ودمه خفيف وهو سكر بالكلمة والمعنى .............. اكيد عرفتوا مين بقصد؟؟؟؟؟؟ صح؟؟؟؟؟؟؟
سهرتنا التالتة مع احلى ابو سكر بالمنتدى .

وانا راح ابدأ بسؤالك اليك الاسئلة التي خطرت ببالي حاليا:

1- عرفنا عن نفسك؟

2- ماهو أكثر المواقف إحراجا تعرضت له؟

3- ماهو الشئ الذي لا تستغني عنه ابدااا؟

4- هل هناك حب حقيقي بحياتك حاليا؟

5- ماهي طموحاتك واحلامك؟

وربما يكون لي عودة لك بالاسئلة ه

هههههههههه
وينك يا ابو سكر انا مستنيك على نار عندي كتير اسئلة لالك
1.شو اسمك الحقيقي بصراحة؟
2.اذا كان في حب فحياتك فشو اسم حبيبتك ؟
3.هل عمرك تمنيت انه تكون شخص اخر؟اذا اه ليش؟

بيكفي لهلا بكرا بسالك كمان.
حبيبي ابو سكر صدقني اني بعزك وبحترمك .واكيد انا دايما بمزح معك بس اكيد هدا من محبتي لالك............

مرحبا ابو سكر كيفك بتمنى تجاوب على الاسئلة الي قبلي بصراحة وعلى سؤالي كمان انا بدي اسالك انه احنا بنعرف انك بتدرس بالجامعة فهل انت معتمد على حالك وبتشتغل ولا معتمد على اهلك بالعلم انه في كتير شباب صغار بدرسو وبيشتغلو مشكور

شكرا الكم يا حلوين على استضافتي وطبعا الي الشرف اني اكون ضيفكم .......نبدأ بالاجابات ...احم احم:

بالنسبة لأسئلة أميرة الحلوة:

1- عرفنا عن نفسك؟
انا ابو سكر عمري 18 سنة مولود في الكويت ثم انتقلت الى الأردن وعشت 5 سنوات فيها وبعدين لطولكرم ادرس الآن في جامعة النجاح الوطنية سنة اولى هندسة بيسك وان شاء الله السنة الجاي بتخصص هندسة مدنية حسب رغبتي، طولي حوالي 178 ووزني 75 كغم وبشرتي بيضاء غير ناصعة وشعري بني غامق وعيوني عسلية وواسعة وبالنسبة لأطباعي فانا هادئ جدا في العادة ولكن شديد العصبية ازا حد نرفزني وهواياتي بحب العب رياضة كمال الأجسام على الرغم اني بالوقت الحالي مو ملتزم فيها وبحب السباحة وبحب الشعر كتير بس ما بعرف اكتب شعر.........

ماهو أكثر المواقف إحراجا تعرضت له؟
والله بصراحة لا تآخزوني ما بتزكر هلأ

ماهو الشئ الذي لا تستغني عنه ابدااا؟
الصلاة مع اني احيانا بقصر فيها وملتزم فيها من صف رابع وعمري ما قطعتها بس زي ما حكيت بقصر مرات
وفي شغلة مهمة ما بقدر أستغني عنها وهيه علاقتي مع أهلي وأصحابي

هل هناك حب حقيقي بحياتك حاليا؟
الاجابة بكل صراحة هيه لا . فانا اعيش الآن حالة من الهدوء العاطفي ...هههههههه وطبعا الحب مو عيب بس هاي هيه الحقيقة.....وما بتعرفو شو بصير بالمستقبل.....هههههههه

ماهي طموحاتك واحلامك؟
اول طموح بعد ما انهي جامعتي هو اني اكمل دراسات عليا ان شاء الله واحصل على عمل ممتاز في مجال دراستي علشان يكون طريق للاستقلالية في عملي ..وطبعا حلم الزواج من فتاة احلامي وبناء اسرة سعيدة

وبالنسبة لاسئلة حبيبي عصفور النار

.شو اسمك الحقيقي بصراحة؟
محمود

اذا كان في حب فحياتك فشو اسم حبيبتك ؟
لا طبعا زي ما حكيت ....يا أزعر يا عصفور بدك تعملها وحدة بوحدة

3.هل عمرك تمنيت انه تكون شخص اخر؟اذا اه ليش؟
لا . عمري ما تمنيت اني اكون انسان آخر وانا ابو سكر ورح اضل ابو سكر........هههههههه


وبالنسبة لأسئلة ريماس

انا بدي اسالك انه احنا بنعرف انك بتدرس بالجامعة فهل انت معتمد على حالك وبتشتغل ولا معتمد على اهلك بالعلم انه في كتير شباب صغار بدرسو وبيشتغلو مشكور
طبعا بصراحة انا مو معتمد على نفسي بمصاريف دراستي والله يخليلي الوالد ....واهلي ما بدهم مني غير اتعلم .....بس كان الي دور في تخفيف الجزء الكبير من مصاريف الدراسة عن أهلي بسبب تفوقي في دارستي والحمدلله

واتأكدي يا ريماس انتي وكل الأعضاء الحلوين اني جاوبت على الأسئلة بصدق وانا بانتظار أسئلتكم

احلى ابو سكر والله يلا اسا دوررررررررررري

من تكون الانثى التي تقف امامها ضعيفاً . (لا تقول امي)؟
ماهو الموقف الذي تضبط فيه نفسك متلبسا بالتناقض ؟
ماهي الكلمة التي تربكك من الانثى ؟
عندما تكون معجبًا بفتاة.. ماهي طريقتك في الوصول إلى قلبها !!
جريمه تتمنى ارتكابها...؟؟
ماهي التجربه التي تتمنى تكرارها ...؟؟

خلص حرام بكفي بس اذا في كمان باجي ههه

انا احب ان ارحب ايضا ب Honey Sukkar
وعندي له هذه الاسئلة:

ماذا تعني لك هذه الكلمات ...حب ...وفاء ....خيانة.....سعادة ... ؟
تجربة سعيدة مررت بها ........واخرى حزينة وماذا استفدت من الاثنين ؟
لو لقيت المصباح السحري ما هي أمنياتك التلاتة ؟
اذا خانك اقرب الناس ليك واكتشفت هذه الخيانة ردة فعلك هي ؟
ما هو اصعب شيء بالحياة؟

وشكرا واتمنى الاستضافة يوم ما

مشكورين يا حلوين

بالنسبة لأسئلة أمورة المنتدى
:
من تكون الانثى التي تقف امامها ضعيفاً . (لا تقول امي)؟
الأنثى التي اقف أمامها ضعيفا هيه الأنثى اللي بتغمرني بحنانها وعطفها وحبها بصدق مو بمشاعر كذابة ........طبعا ضعيفا مو يعني ضعيفا بمعنى ضعف الشخصية
.
ماهو الموقف الذي تضبط فيه نفسك متلبسا بالتناقض ؟
والله في مواقف بكون متناقض فيها اللي هيه بس انصح صحابي بشغلة منيحة وانا نفسي ما بعملها

ماهي الكلمة التي تربكك من الانثى ؟
يمكن كلمة بحبك....وهاد السؤال رح يخليني اكشف سر عن نفسي السر هو اني خجول جدا في حديثي مع الاناث...هههه

عندما تكون معجبًا بفتاة.. ماهي طريقتك في الوصول إلى قلبها !!
والله في طرق كتير مو طريق وحده وهيه اني أكون انسان مهذب في حديثي مع الناس وعدم الثرثرة يعني احكي حكي ما الو فايدة واهتمامي بمظهري الخارجي واني اكون انسان جدي بالمواقف اللي بدها جدية واني اكون انسان يعتمد عليه وغير اتكالي وبتحمل مسؤولية .... وطبعا زي ما بقولو الطبع يغلب التطبع وانا الحمدلله معروف اني ملتزم بهاي الأمور
..
جريمه تتمنى ارتكابها...؟؟
مهيه اسمها جريمة فعلشان هيك ما بتمنى ارتكابها

ماهي التجربه التي تتمنى تكرارها ...؟؟
طبعا تجربة الطفولة

ما هي الاشياء التي تعجبك والاشياء التي لا تعجبك بالمنتدى بصراحة؟
أكتر اشي بيعجبني بالمنتدى هيه العلاقة الأخوية اللي بين الأعضاء وانهم اوفياء لبعض وطبعا مواضيعهم المتنوعة والمفتوحة اللي ما بتشدد لأشي .....أكتر اشي ما بيعجبني بالمنتدى انو في اغلب الأعضاء بيزعلو من كلمة الحق وكتير شغلات بياخدوها بحساسية مع انو الموضوع بكون مو مستاهل وهاي الشغلة سببتلي مشاكل في بداية دخولي للمنتدى...بس بشكل عام انا انا بحترم كل الأعضاء لأنو كلهم قلبهم طيب ويمكن هاد الأشي بيصير غصب عنهم


لو قلتلك ترتب افضل 5 اعضاء بوجهة نظرك مع ذكر السبب؟
انا بصراحة رح ارتب بس بدون ما حد يزعل وبدون تشدد لأي عضو واكيد معزتي للكل وحده تقريبا
1- دريمر: لأنو هو اللي عمل المنتدى وهو اكتر واحد بيتعب فينا وهو يطور بالمنتدى ويعمل فيه اضافات مميزة
2- أميرة الأحزان : لأنها هيه اول وحده بتسارع بالرد على المواضيع ومواضيعها كتير مميزة وهيه حبيبة الشعب يعني كل الأعضاء بحبوها وهيه اللي ابتعطي الحماس للأعضاء وهاد اهم اشي
3- أمورة القدس: انها مواضيعها مميزة جدا وردودها جميلة ومميزة وهيه بعتبرها روح المنتدى
4- عصفور النار: المدريدي الفاشل ..هههههههه، مواضيعو كتيييييييييير حلوة ودمو عسل وبعتبرو حجر الزاوية بالمنتدى وهو اكتر عضو عندو روح رياضية وما بيزعل بسرعة
5-ريماس: مع انها عضو جديد شوي بس نشيطة جدا وبحسها انها بتتفاعل مع المواضيع وبتقرأها بجدية يعني مو رفع عتب وردودها رائعة وطبعا ريماس فراولة المنتدى ........ههههههههه

وانا مرة تانية بقول من شان الله ما حد يزعل مني انا ما تحيزت لأي عضو في ترتيبي

بالنسبة لأسئلة سلطان الحب:
ماذا تعني لك هذه الكلمات ...حب ...وفاء ....خيانة.....سعادة ... ؟
الحب:هو ملك كل هاي الكلمات لأنو الحب بيتضمن وفاء وعدم خيانة وهو بيعطي السعادة للانسان والحب شئ عظيم وجميل جدا تعجز الكلمات عن وصفه
الوفاء: هو انك تخلص لانسان وما تخذله وتكون سند اله
الخيانة: اشي حقير جدا واكتر شغلة بكرها بالانسان الخيانة
تجربة سعيدة مررت بها ........واخرى حزينة وماذا استفدت من الاثنين ؟
سعيدة: احلى شغلة صارتيلي بحياتي هيه نجاحي بالتوجيهي وتفوقي وفرحة التوجيهي ما بتتعوض بفرحه وانا متأكد انها احلى من فرحة التخرج أو فرحة الزواج لأنها ابتنقل الانسان من مرحل لمرحلة ........استفدت انو الانسان ما يقول اني انا ما بقدر على شغلة واللي بيتعب الله ما بيضيعلو تعب..وبرد بقول وخصوصا للي عليهم توجيهي انو يشدو حالهم لأنو لاسمح الله اللي بينضرب بالتوجيهي بتأثر عليه الضربة هاي كتيييييييييير وانا ما بحكي هيك انا شفت شباب بعرفهم هيك صار فيهم ونفسياتهم سيئة جدا وخصوصا الشاطرين اللي اهملو بالتوجيهي
حزينة: وطبعا ما بتمناها تتكرر ابدا وهيه مرة شخص عزيز جدا علي تعرض لحادث سيارة جامد جدا والحمدلله الله لطف معو وهو هلأ تمام على الأخر بفضل الله وهاد الشخص هو اختي الكبيرة .....وطبعا تعلمت الصبر من هاي
لو لقيت المصباح السحري ما هي أمنياتك التلاتة ؟
1- تحرير فلسطين
2- انو الله يطول بعمر امي وابوي وما افقد شخص غالي علي
3- اني اكون انسان ناجح جدا في حياتي من جميع نواحيها وان شاء في المستقبل الله يبعتلي زوجة صالحة واكون مبسوط معها وأولاد صالحين
اذا خانك اقرب الناس ليك واكتشفت هذه الخيانة ردة فعلك هي ؟
يمكن ما أسامحو طول حياتي ورح تتغير نظرتي الو ورح يكون لها الخيانة تأثير على نفسيتي
ما هو اصعب شيء بالحياة؟
فقدان شخص غالي وعزيز علي وفي شغلة تانية هيه الفشل

شكرا الك حبيبي سلطان على الأسئلة

احلى محمود ومشكور كتير على صراحتك وبدي اسئلك اكم من سؤال يلا تحملنا

1_ هل ممكن تتزوج من فتاة غير متعلمة تعليم جامعي يعني واصلة للمرحلة المتوسطة يعني اعدادي ؟
2_ اذا كان جوابك هو اه ممكن هل ممكن تكمللها تعليمها انت ؟

3_ انا بدي اعرف رايك بكل صراحة ببنات الجامعة مع العلم انها في ناس كتير بتنظرلهم بنظرة انهم متحررات زيادة عن اللزوم اكيد مع احترامي للجميع وهي مش وجهة نظري ؟4_ بوصفك رجل متعلم هل ممكن تتزوج من فتاة عجبت امك يعني على الطريقة التقليدية او انك بتفضل انه تحب بنتوتتزوجها؟

ولا يهمك ريماس

1_ هل ممكن تتزوج من فتاة غير متعلمة تعليم جامعي يعني واصلة للمرحلة المتوسطة يعني اعدادي ؟
ممكن ازا حبيتها ولقيتها انها مناسبة الي 100%
2_ اذا كان جوابك هو اه ممكن هل ممكن تكمللها تعليمها انت ؟
طبعا اكيد وهاي الشغلة دايما بتخطر على بالي ورح اساعدها تكمل تعليمها قد ما بقدر وهيه اكيد رح تقدرلي هاد الشعور لأنو يمكن تكون مرت بظروف ما خلتها تتعلم بحياتها
3_ انا بدي اعرف رايك بكل صراحة ببنات الجامعة مع العلم انها في ناس كتير بتنظرلهم بنظرة انهم متحررات زيادة عن اللزوم اكيد مع احترامي للجميع وهي مش وجهة نظري ؟
هاي الشغلة بتقهرني كتير انو كتير 90% من بنات الجامعة مابيعجبوني لأنو زي ما تقولي بحسهم بخونو امانة وهي انو اهلهم بيبعتوهم على الجامعة علشان يتعلمو وهمه بيروحو بيلتهو بشغلات تانية ..وطبعا انا بأيد الحب في الجامعة بس على أصوله
ومو بس البنات والشباب كمان
_ بوصفك رجل متعلم هل ممكن تتزوج من فتاة عجبت امك يعني على الطريقة التقليدية او انك بتفضل انه تحب بنتوتتزوجها؟
يمكن ازا يئست وما لقيت بنت على مزاجي يعني هاي آخر خطوة باخدها .....بس طبعا مستحيل اتزوج بنت اعجبت امي وما اعجبتني