سهرة مع عضوووووووووو

انا راح ابدأ بالاسئلة:
1) بنوتة امورة كيف بتحب تعرفنا على حالها؟

2) ما هى الشخصية التى كانت لها تأثير عليك فى حياتك ؟

3) ماهي الأهداف التي تطمحين إليها في المستقبل ..!

4) من هو اكثر عضو مميز عندك بالمنتدى؟ ولماذا؟ رجاء اختاري عضو واحد فقط

5) لاحظت انه لك منتدى خاص ما هو السبب في انك عملت منتدى خاص بك؟ حدثينا عنه قليلا؟

6) شو اكلتك المفضلة؟

ويمكن ارجع اذا اجا سؤال على بالي.

اهلا وسهلا فيكي يا بنوتة امورة بالسهرة .واكيد السهرة راح تكون حلوة لانها مع انسانة مميزة وشخصية محبوبة في المنتدى.
قبل ما اسالك يا بنوتة بس حابب اقول لاميرة انه حزبها هو الفاشل لانه زعيمة الحزب تبعهم"لارا" فاشلة .والاعضاء الي فحزبهم كلهم ضفادع.

الاسئلة:
1.شو هو اكتر مكان بترتاح فيه بنوتة امورة؟
2.كلمة "بحبك"لمين بتهديها في حياتك؟
3.شو اكتر شي حبيتي بالمنتدى واكتر شي كرهتيه بالمنتدى "وبصراحة"؟

واكيد الي كمان اسئلة في الايام الجاي.

مرحبا بنوتة كيفك انا بدي اسئلك سؤال

1_ انت مرة قلتي انك ابتدرسي بجامعة النجاح بنابلس وعلى ما اعتقد انك من القدس سؤالي اذا كنت اكيد من القدس فهو ليش تركتي جامعات القدس وتقريبا اتغربتي عن اهلك ودرستي بنابلس مع انه كان باستطاعتك تدرسي باي جامعة موجودة بالقدس وما تتطري تتركي اهللك ؟مشكورة احلى بنوتة

هاااااااي
سوري كتير يا جماعة على التاخير
بس والله ظروفي منعتني ادخل عالمنتدى
ورح اجاوب على طول
بس اول شي بدي احكي لأميرة انه في غلطة مطبعية بالمقدمة لما قدمتني كضيفة
بحب اصحح
بنستضيف بنوتة امورة من الحزب الرائع والمنتصر دوماً .................حزب النار
وهلا رح اجاوب على اسئلة اميرة
1) بنوتة امورة كيف بتحب تعرفنا على حالها؟
بنت عادية وبسيطة حلمها كاي بنت انها تتفوق بحياتها تنجح بجميع المجالات وحلمي انشالله اني بعد ما اخد البكالوريوس اكيد اني أأسس بيت وعيلة

2) ما هى الشخصية التى كانت لها تأثير عليك فى حياتك ؟
مممممممممم. بقدر اقول انه الشخصية اللي غيرت شي بحياتي هي بابا

3) ماهي الأهداف التي تطمحين إليها في المستقبل ..!
النجاح بالدراسة وبالعمل وبالحياة الاجتماعية

4) من هو اكثر عضو مميز عندك بالمنتدى؟ ولماذا؟ رجاء اختاري عضو واحد فقط
ممم. صعبة هاي. كل عضو مميز بشي معين بس ازا بدي اختار حدا معين بختار نونا لانه افكارها تقريبا نفس افكاري ومميرزة باسلوبها

5) لاحظت انه لك منتدى خاص ما هو السبب في انك عملت منتدى خاص بك؟ حدثينا عنه قليلا؟
ممم. صح فعلا عندي منتدى خاص والموضوع اجى بالصدفة والحقيقة انه مش انا اللي أسسته هي كانت صاحبتي وبعدين سلمتني اياه. ولهلا المنتدى بسيط وما عم يتطور كتير لاني بصراحة مهملته وما بعطيه حقه

6) شو اكلتك المفضلة؟
ممممم. اي شي في بطاطا

شكرا كتير يا اميرة على اسئلتك

هلا رح اجاوب على اسئلة عصفور

1.شو هو اكتر مكان بترتاح فيه بنوتة امورة؟
ممممممم. اكتر مكان بحس فيه اني مرتاحة من جوا هو المسجد الاقصى

2.كلمة "بحبك"لمين بتهديها في حياتك؟
لماما وبابا واختي حبيبتي ولاخوتي التنين ولصاحباتي ( شايفين شو بريئة)

3.شو اكتر شي حبيتي بالمنتدى واكتر شي كرهتيه بالمنتدى "وبصراحة"؟
اكتر شي حبيته بالمنتدى اني حسيت حالي وسط عيلة كلنا مع بعض بكل المناسبات وصرنا فعلا صحاب والشي اللي كرهته بصراحة انه احيانا بتم التركيز على بعض الاعضاء واهمال الباقي
بس ما حدا يزعل

مشكور يا احلى عصفور عالاسئلة

هلا رح اجاوب دريمر
[color=#ff0000]1)) ما رأيك بالمنتدى بشكل عام؟
المنتدى كتير حلو وبتطور بسرعة وفي عليه اقبال كتير هاد دليل انه منتدى ناجح

2)) ما هو الشيء التي تتمنين وجوده بالمنتدى وهو غير موجود؟
مممممممممم. انا شايفة انه المنتدى حلو كتير ومو ناقصه شي

3)) ما هو المميز بالمنتدى برأيك ؟
انا بصراحة ما بحب المنتديات ولا مرة بحياتي اشتركت بمنتدى والشلة كان اول واحد عشان هيك هو بالنسبة الي مميز انه من اول ما اشتركت فيه تقريبا صرت مدمنة انه ما بصير يمر يوم الا واقعد عليه يعني كله على بعضه مميز بالنسبة الي
مشكور يا دريمر عالاسئلة

ريماس: انت مرة قلتي انك ابتدرسي بجامعة النجاح بنابلس وعلى ما اعتقد انك من القدس سؤالي اذا كنت اكيد من القدس فهو ليش تركتي جامعات القدس وتقريبا اتغربتي عن اهلك ودرستي بنابلس مع انه كان باستطاعتك تدرسي باي جامعة موجودة بالقدس وما تتطري تتركي اهللك ؟مشكورة احلى بنوتة

ريماس سؤالك بمحله
انا فعلا من القدس وبدرس بالنجاح
هلا رح احكي شي
انا بدرس صيدلة وعنا بجامعات القدس ما في هالتخصص
يعني بير زيت ما فيها هالتخصص ولا بيت لحم
اما بالنسبة لابو ديس فشهادتها مش معترف فيها
وانا كنت مصممة عالصيدلة لاني بحلم فيها من لما كنت صغيرة
فاضطريت اطلع من القدس عشان ادرسها
شكرا يا ريماس عالسؤال وانشالله تكون وصلت الفكرة

بالنسبة لاسمي الحقيقي.. ممممممممم
بفضل اني اضل على بنوتة امورة

اسئلة سلطان الحب:
[table cellSpacing=0 cellPadding=0 width="100%" border=0][tr][td class=hr colSpan=2]
[/td][/tr]
[tr][td colSpan=2]انا احب ان اسأل بنوتة امورة:

هل هناك قصة حب بحياتك؟او هل عشتي قصة حب وانتهت؟او انك لا تفكرين بهذه الامور؟وهل لديك زملاء واصدقاء عاديين بالجامعة ام لا؟واسف اذا تدخلت بخصوصياتك كتير اعذريني.

ابدا ما في مشكلة يا سلطان الحب
انا هلا ما في بحياتي اي قصة حب ولا عشت قصص حب
مش اني ما بفكر بهاي الامور
بس ما بعرف بحس انه ما عندي مجال لهالقصص
يعني ايام المدرسة مين بدي احب مثلا ؟ واحد من الصايعين اللي كانوا يوقفوا على باب المدرسة ؟
ولما صرت بالجامعة صار عندي زملاء وما بقدر احكي عنهم اصدقاء لانه علاقتي فيهم محصورة بالدراسة
بحس انه وقتي دائما مضغوط وما عندي وقت اني ادخل بهيك قصة
بس هاد مش معناه اني ضد
بالعكس
انا بآمن بالحب وبشجع كل قصة حب قصدها شريف

شكرا كتير يا سلطان الحب على سؤالك الحو متلك
واسمحولي اني احكي تعليق
سلطان الحب من اكتر الشخصيات اللي بتعجبني واللي بحبها بالمنتدى

انا بدي اسأل بنوتة امورة انه هل صحيح انه الحب ممكن يتخطى المشاكل والعقبات ؟؟؟؟؟؟؟؟؟؟؟؟؟؟؟؟ظ

اول شي سلطان الحب ما في داعي للشكر انت فعلا عندك شخصية حلوة وعجبتني انا شخصياً
بالنسبة لسؤالك انا لما اشتركت بالاكاديمية ما كنت بعرف عصفور النار شو ناوية يعمل ولا شو اللي بستنانا بس ما توقعت شي من اللي عمله
عمل شي كتير حلو فيه اول شي ثقافة من خلال المواضيع اللي كنا نكتبها وتاني شي كانت طريقة تعريف عن النفس والشخصية لانه احيانا كان يطلب منا نعبر عن حالنا او عن شي معين باسلوبنا الخاص وتالت شي كان بشمل الحماس خاصة في فترة التصويت بانتظار الفائز
يعني كانت تجربة حلوة وممتعة وطبعا بكفيني شرف اني تنافست من ناس واعية ومثقفة واكيد استفدت
لما غادرت الاكاديمية ما رح احكي اني ما زعلت اكيد كل واحد بتمنى الفوز بس كنت واضحة وقلت وقتها انه امورة كانت بتستحق تفوز علي لانه وقتها كان سبب تسميتي نومينيه اني ما جاوبت عالاختبار وامورة عالاقل عملت اللي عليها وقدمت الاختبار وكانت تقديمها كتير حلو وبتستاهل التصويت اللي اجاها.
بس التجربة ككل حلوة كتير عشان هيك شجعت المشتركين يعيشوها بالموسم التاني
مشكور يا سلطان الحب على سؤالك
وسوري لاني طولت عليكم ما نتبهت عحالي اني حكيت كتير

كوكي
بالنسبة لسؤالك: هل برايك انه الحب يتخطى كل العقبات
بصراحة انا رايي لا مش دائما
عالاقل مش بمجتمعنا
لانه التقاليد والعادات عنا ما بتعترف بالحب اصلا
شكرا يا كوكي عسؤالك الحلو

مرحبا بنوتة امورة كيفك انا حابة اسالك برايك هل البنت المتعلمة بتقدر تنجح في الحياة العملية متل الرجل المتعلم؟وسؤالي التاني هو سؤال سالته لكل المشتركين بالسهرة وهو رتبيلنا افضل 10 اعضاء في المنتدى من وجهة نظرك وليش
شكرا بتمنى ما اكون ازعجتك

شكرا لك يا بنوتة امورة على صراحتك الحلوة بالرد على الاسئلة بكل عفوية وسهرتك كانت حلوة كتير بتمنى لك التوفيق والنجاح بحياتك العلمية وان تصلي الى اعلى الدرجات بالعلم وتحققي كل احلامك ان شاء الله.

شكرا يا اميرة الاحزان لاستضافتك لالي وان راح اجاوب على اسئلتكم بصراحة وبتمنى اكون خفيفة الظل عليكم.

- عرفينا اكثر عن حالك يا وردة؟

2- ما هو سبب اختيارك للقب وردة القمر؟

3- كيف عرفت عن المنتدى؟ عن طريق ماذا؟

4- بأي منطقة من القدس تقيمين؟

5- ما هو رأيك بالاكاديمية بشكل عام؟ ولاحظت انك تتاخرين بالرد على الاختبار يعني اخر وحدة بتردي؟ما هو السبب؟

1.انا وردة القمر عمري 20 سنةمن سكان مدينة القدس بعيش انا وامي واخين وانا الكبيرة بين اخوتي خلصت توجيهي وما كملت مع انه كان حلمي اكمل من صفاتي حنونة وطيبة ومشاغبة شوي من مواليد 18 12 88 برج القوس
2.سبب اختياري لوردة القمر لاني بحب كتير القمر وبحسه بيعبر عن الجمال والرومانسية.

3.اتعرفت عالمنتدى عن طريق صديقة لالي .
4.احنا حاليا ساكنين بشعفاط مع انه النا دار فيالبلدة القديمة بنروح عليه كتير انه ستي ساكنة فيه وانا بحب البلدة القديمة كتير لانه جوها خاص فيها وبتحسي بشعور غير عادي وانت فيها .
5.رايي بالاكاديمية انها احلى شي بالمنتدى لانها فكرة مميزة من عصفور النار وفيها منافسة قوية وطبعا بنستفيد فيها كتير وخاصة بالرد على الاختبارات لانه كل مشترك بيحب انه يكون رده افضل من المشتركين الاخرين.وبالنسبة اني بتاخر بالرد فهدا سر بس عشان انتي الي سالتي السؤال يا اميرة فانا راح ارد عليكي واقولك على السر بس ما تحكيه لحدا.السر هو انه انا بشوف كل الاعضاء كيف بيردو عشان انا اكتب احسن منهم لانه برايي كل ما تاخرتي بالرد راح يكون افضل حتى تشوفي بشو بيفكر المشتركين .

اول شي بدي ارحب مع اميرة بوردة القمر نورتي السهرة
وردة القمر هالمرة انتي الضيفة يعني ما رح تطلبي انك تقولي مين افضل 10 اعضاء بالمنتدى
عشان هيك انا بدي اطلب منك تحكيلنا مين برايك افضل 10 اعضاء
وبدي اسالك هل بتفضلي الزواج العاطفي او الزواج التقليدي

عمرو حدا جرحك؟
شو اكتر اشي بخليك تبكي؟

منورة والله