وفر دموعك

<table id=table3 dir=rtl cellSpacing=0 cellPadding=0 width="100%" align=left border=0><tr><td>وفر دموعك لا تظاهر بالأحزان
لا لا تقول ان السبايب غيابي


أفراحك اللي عشتها عمر وازمان
ماتكتمل إلا بشوفة عذابي


خليتني للهم والحزن نيشان
سددت رمياتك وزادت مصابي


حاولت اجامل واحتمل قدر الا مكان
ياكثر ماضاق بلساني عتابي


اخذ معك واعطي ورى ظلمك احسان
واجاملك واصبر على جور مابي


ادري ظروفك غير تايه وحيران
مير المصيبه ماتحسب حسابي


صورت لي ودك ومثلت باتقان
تسأل وتتمنى وتلقى جوابي


واليوم ليت اللي مضى كان ماكان
ماعاد لك صفحة تسود كتابي


كيف اطلب الما من تحراه عطشان
لو شحت ارضي ماعصاني سحابي


هذي دروبي سيرتي رحلة انسان
مامرني خاين ولا دق بابي


يكفي تعودت اعتذر وانت غلطان
ماعندي استعداد اضيع شبابي </TD>
<td> </TD></TR></TABLE>