ارجو من الجميع الدخول

يا احلى دلوعة انا برايي انه الشب ما بيحب البنت لانه لو بيحبها كان ما هان عليه تحكي مع اخوه كيف اذا بتحكي مع معلمه.فانا برايي انها تتركه لانه الشب اكيد بيتسلى .يعني الشب مركن على معلمه يخطبه البنت ليش هو مش زلمة بيعرفش يتصرف لحاله.قوليلها تتركه وما تحكي معه لانه البنت شكلها قلبها طيب زيادة عن اللزوم وطيبتها بيستغلها الشاب كسلاح ضدها.
بعدين الحب بدون غيرة بيكون حب مش صادق وما تقوليليش ثقة لانه الانسان مش معصوم عن الخطا,والشب اكيد ما بيغار على البنت يعني ما بيحبها.

دلوعة انا راي كمان زي عصفور خليها تتركو احسن اليها كلامك عصفولا منطقي كتيررررر مزبوط مية مية احسن يا دلوعة انها تتركو لانو الي بحب التاني بخاف عليها مش بخلي يحكي مع معلم تاعو ال شو معلم كمان حلوة هاي هادا واحد مش زلمة من مرة اذا بكوم ماخذ البنت مصلحة الو خليها ادربالها منو وتبعد عنو احسن اليوم بتحكي معو بكرة ما بتعرف شو بعمل الشب

مساء الخير يا دلوعه
علشان تخلص صاحبتك من المشكله تسمعني مليح .
1.انها تنساه نهاءيا
2.تلغي رقم تلفونها
3.واهم نقطه في حال انه الشاب تعرض للبنت وهددها في اي شيء بتمنى من البنت انها ما تهتم ولا تشغل بالها لانه الكلب الي بعوي ما اتخاف منه
الله يجملها بالستر ويستر على جميع خلقه

انا بتفق مع عصفور وامورة القدس بس فية حا جة غا يبة عنكم ان البنت بيصب عا لية غلط كبير انهااا عر فت الشاب انها بتحبو من غير ما تت اكد من حبو لية فا تر يح نفسهاااا وتشوف واحد بيخاف عا لية ويحبهاااااااابجددددد

انا بضم صوتي لصوت عصفور وامورة
الحب بدون غيرة حب مش حقيقي
بعدين ما يتحرك الشب ويروح يخطبها
لشو يدخل واسطات بينهم
بعدين ازا بدو يحل المشكلة هو بيعد وبيحكي مع معلمه عشان يتدخل
مش بسمح بكلام بين معلمه وحبيبته
برايي انه واضح انه هالشب ما بحبها
وعلى فرض انه بحبها ومش عارف يتصرف
بكون هالشب مش رجال وما بقدر الواحد يعتمد عليه شو بدها فيه

اختي انا بالنسبه الي البنت غلطانه اكتر من الشب البنت لو حبت شب هاد ما بيعني انهاما تحافظ على كرامتها وانا برأيي انو البنت لما ئبلت تحكي مع معلم الشب وئبلت منو كروت شحن واشياء ماديه يعني الشب استغلها لمصلحتو الشخصيه وهي كمان استغلت المعلم لمصلحتها الشخصية لو انو مو عجبها الوضع لكان ما وافئت من الاصل على انها تحكي مع المعلم وما وافئت تطلع معاه وترد على مكالماتو وكمان تشحن موبايلها على حسابو يعني بصراحة ومن غير زعل الاتنين ما بحبو بعض هو بالنسبه الو البنت واسطه لحتى يوصل لاغراضو الشخصيه وهي كمان وافئت على انها تتعامل مع المعلم برضاها ما اعتقد انو كان غصب عنها وهي كمان عملت المعلم واسطه لحتى توصل لاغراضها الشخصيه
وانتي بتحكي انو الشب عرفها على معلمو لحتى يساعدهم من الاصل مو ئادر يحل مشاكلو ابدا ما بينفع يكون زوج المستئبل
يعني انا والله مو فاهمة بنات اليومين هدول بيحكو عن الحب ومش عارفة شو وبيلغو عئلهم بس بشغلوه لما بدهم يطلعو وبيخترعو كزبه لاهلهم وشو خطه ما تخرش المي على راي المصاروه بسير عئلهم ما شاء الله بوزن بلد
نصيحة من اخت لاختها دايما لازم تحكمي عئلك بكل تصرفاتك وحتى لو حبيتي والحب مو عيب ولا غلط بس لازم يكون بعئلك ئبل ئلبك
بنات اليومين هدول ما بنضحك عليهم بالعكس بتضحك على مية شب فلشو لما بتوئعو بتحكو والله كنا نحب التلفزون والفضائيات ما خلت حد جاهل هالايام
سوري حبيبتي ما تزعلي مني وعلى صراحتي بس انا لازم اكون صريحة معك باجابتي بما انك طلبتي رايي
وشكرا حبيبتي على مشاركتنا المشكله

انا قرأت الموضوع والردود

وتبين لي ان

الشب رخيص
المعلم زباله
والبنت هبله

سوري على اسلوبي بس هيدا الواقع

انا ما بدي اقول للبنت انها السبب بمعرفة هيك شب
لا
بس بدي اقلها ليش بتسمح لحالها تحكي مع المعلم على اي اساس؟؟

وبكل صراحه الحل الوحيد انو البنت اتقول للشب خلص انا ما بدي احكي معك وما بدي اتزوجك

وتكسر شريحتها وتغيرها

والطريق يلي بيمشي فيها الشب ما تمشي هي فيها


واصلا هو ما راح يطب فيها عشان هو ارخيص وبايع


تقبلو مروري

يعني لو كان بحبها كان ما بتصرف معها بهاي الطريقه, وكان ما بخلي معلمه يحكي معها ويعبيلها كروتة تلفون وحكي فاضي, وانا لو محلها للبنت اكيد تركته وما تاسفت على هالشي, وكل دقيقه بتمر وهي معه مضيعه للوقت

مرحبا
هاي المشلكة بتصير كتير
بس جوابها كتير سهل انو تنساه
بس عنجد الكلام مش زي الفعل
وما ننسى انو هي بتحبوا
بس لو هي انتبهت على كل شي صار معها رح تكرها اكيد مو اتحبوا
وشكرا