_ هل انت تفعل ما تقوله هنا بالمنتدى ؟
طبعا لاني ما بحكي حكي من غير فعل وطبعا المنتدى بعبر فيه عن كل يلي بدي اياه وكاني بكون احكي مع حالي على مرايتي ولعلمك انه بس اكون زعلانه كتير او مبسوطه كتير بلاقي المنتدى هو يلي بحضني وما بحضن حد الا حبيبه او حاله فتخيلي انه المنتدى الاتنين لهيك كلشي بحكيه في هو صحيح ومن غير اي مبالغات او تصنع يعني
2_ اعتذار تريد ان تقدمه لمن؟
ما غلطت بحق حد فما في اي اعتذار
3_ ما ردة فعلك عندما يقول لك حبيبك : أحبك نعم أتزوجك لا ؟
والله وليش بقى يحبني اه يتزوجني لا بكون ردي عليه يبقى خلي اختك تحب وما تتزوج يلي بحبه شو بتعمل ساعتها؟؟؟ وجوابه يلي حيجاوبني اياه راح اطبقه عليه انا مش تسلاي ولعبه يا بابا
4_ اذا اردت ان تبكي الان , فعلى من تبكي؟
البكاء ضعف وانا مو ضعيفه تحتى ابكي وما حد بستاهل ينبكى عليه
5_ من ستختار ليمسح دموعك ؟
مانا ما ببكي اصلا بس لو حصلت يعني باكتر الازمات طبعا يلي بدي يمسحلي دموعي يلي بحبهم بس
6_لو خيروك بين حبيبك وبين اعز صديق فمن تختار ؟
يعني لو اعز اصدقائي بعرفه قبل حبيبي وتركته عشان شخص او حتى حبيبي ما بكون لي خير حتى بحبيبي ويمكن هوكمان اتركه لو خيروني بينه وبين حد تاني فطبعا بختار صديقي لانه الحل ممكن يجي بس الصداقه بدك سنين لتكونيها
7_ماهو تقييمك لهذا المنتدى بصراحه ؟
كتير حلو وكتير ممتع وبجد من احلى المنتديات يلي اشتركت فيها ومديرها عسل وبحب يساعد الكل ومتسامح وبكفي انه هون نحن كلنا زي الاخوه وهاد احلى شي الكل بوقف مع الكل ومش ضد بعض ولكن ضد الباطل والكل بتكافل مع بعض كانه يد وحد
8_ من يسكن قلبك؟
حبيبي يلي لسه ما بعرفه واهلي بالمرتبه الاولى
9_ هل تعتقد ان حظك سيئ؟
يعني في منه الحكي وبحس انه حظي كتير كتير سيء
10_ هل هزمك حزنك في يوما من الايام؟
تسأليش هو هو كتير ما بتنعد هالايام بس بترجع بتمر وبتروح
11_ ((مستحيل انساك)) لمن تقولها ؟
للي بحبه ( بس الاقيه طبعا)
12_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
اقصد فيها اني يمكن احسن من حالي عشان ما ارجع اخسر تاني وارجع اعيدها تاني يعني عشان اصحي حالي من حلم ممكن اقولها كمان
او كشكل من اشكال الندم مع انه ما بفيد الندم ولو زرعنا لو طلعت يا ريت
13_ (( انت كل شيء بحياتي )) لمن تقولها ؟
لماما واخوي الوحيد وخواتي
14_هل لديك الجرأه ان تقول عمرك أمامنا ؟
طبعا عندي 22 ونص العمر ما بتخبى
15_هل انت راضي عن نفسك ؟
هلا اه راضيه نص نص عن حالي بس البني ادم طماع طبعا وبطمح احسن حالي اكتر واكتر يعني مش كتير راضيه عن وضعي هيك
16_بماذا تقر وتعترف أمامنا الان ؟
انه انا بجد بموت بالمنتدى وبالمدير دريمر يلي عمللنا هيكمندى تحتى الواحد يعبر عن حاله فيه ويتعرف على ناس جداد ويوسع عيلته
17_هل تؤيد الزواج العاطفي ام الزواج التقليدي ؟ ولماذا ؟
مش عارفه بالزبط يعني الزواج العاطفي اكيد احلى وبأده لانه الواحد بكون قريب من يلي بحبه وبضل معه واكيد بكون عارفه كلشي عنه وشو بحب وشو بكره بس ممكن كمان هاد الزواج يؤدي الا مشاكل كتير وشك وغيره اكتر من الزواج التقليدي والزواج التقليدي كمان حيجيب مشاكل لانك ما بتكوني تعرفي الشخص كويس وممكن ما تقدرؤي تحبيه وعمايله تكرهك في لهيك ما بأيد الزواج اصلا
هه
18_ايهما اهم شهادتك الجامعيه أم الزواج ممن تحب ؟
مش عارفه لو سالتيني هالسؤال قبل ما اخلص جامعه كان قلتلك انا خلصت جامعه وبدي اقدم ماجستير هلا بس طبعا تعليمي اهم من كل شي الزواج بيجي والعمر قدامي طويل باذن الله طبعا ما حد بعرف وينتا بموت بس التعليم ما راح يجي لو راح
19_هل تعترف بشيء اسمه الصداقه بين الرجل والمرأة ؟
طبعا بس تكون صداقه شريفه متل الصداقه والزماله بالتعليم او بالعمل
20_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
الحمد لله لا ودايما بحاول اصلح بين الناس ومش ادمرهم وكتير دخلت بمشاكل لناس وقدرت احلها الحمد لله
21_هل انت مدمن تفكير؟في ماذا؟
يعني مش مدمنه مدمنه بس الا ما يجي على الشخص وقت يقعد فيه مع حاله ويفكر باشيا صارت معه
22_هل تكره شخص بشده في حياتك ؟
ما بعرف اكره حد وما بكره حد حتى يلي بسيء لالي انا قلبي طيب وممكن بكلمتين اسامحه لو بحبه كتير اما لوما بفرق معي بضل ماخده منه موقف
23_هل ملابس الشخص امامك تؤثر فيك لتأخذ عنه انطباع ؟؟
ههههههههههههه طبعا لا لاني كنت البس لبس ممكن يخلي الناس تحكم علي بشي وانا شيي ومن طبعي البس عالموديل كتير
24_ماالذي يلفت انتباهك بسرعه في الشخص لكي تعجب به ؟
كلامه وشخصيته وحضوره يعني كتير اشيا وما بحكم عليه او بعجب فيه من اول مره طبعا
25_ حكمة تؤمن بها جدا؟؟
يعني كتير ما في شي معين متلا بأمن انه يلي بحفر شي لحد بتيجي على راسه والحمد لله عمري ما عملتها بس بأمن فيها لانه كتير حفرولي ووقعوا هم والحمد لله
26_ عاده تفعلها دائما تتمنى ان تتركها ؟
انه بعصب كتير وبحكي شي ما بوعى عليه وبروح دغري عالشوكلاته او النت او بأرجل عشان ما احرق دمي
27_ هل انت من لديهم رغبة حب التملك واذا تملك الشيء اصابه الملل منه ؟
املك شي مممممممممم يمكن بحب املك يلي بحبهم بس بالاخر اكيد هيملوا مني مش عارفه اصلا البني ادم بطبيعته بحب يملك كل شي اله حتى البني ادمين يلي بحبهم هاي طبيعه وغريزه بالانسان يعني متلا الوحده بتحب تملك زوجها او حبيبها وما يكمون لغيرها اشوف حد ينكر فطبعا يلي بحبهم بحب املكهم بس بطريقه ما تخليهم يملوا مني لانه اكيد اكيد راح اخسرهم ازا خنقتهم كتير
28_ مارأيك في هذا الموضوع بصراحه؟
حلو وبخبلي الواحد يراجع حالو ويحكي كل شي بصراحه وكل شي حاسس فيه بس طويل يختي قصريلنا هالاسئله شوي هههههههههههههه بس مشكوره كتير حلو
الرئيسية 
المنشورات 
