سؤال للزوج والزوجه!!!!

لو اكتشفت ان زوجتك تحب شخصا غيرك هل تبقى معها؟؟؟؟



لو اكتشفتي ان زوجك يخونك هل تبقين معه؟؟؟؟

لو اكتشفتي ان زوجك يخونك هل تبقين معه؟؟؟؟
الصراحة انا لا اقبل ابدا بالخيانة تحت اي ظرف وتحت اي نوع فاذا فكر زوجي مجرد تفكير بالخيانة افضل الانسحاب من حياته للابد لأن الخيانة صعبة جدا على المرأة ان تتحملها وستبقى جرح خالد للابد بنفسها لذلك فمن الافضل والاحسن ان يتم الانسحاب اذا حصل خيانة سواء من الرجل او المرأة.

شكرا لك يا لارا على الموضوع الحواري الجميل ويا ريت نسمع رأيك كمان بالموضوع.

شكرا لمروركم... انا كمان من رايك اميرة الاحزان اكتر شي بخاف منووبكرهو هو الخيانه حتى لو كانت اول المراحل لانها الخيانه الها مراحل كتيري وانا ما بئبلها نهائيا وبعتبرها اخر المطاف للحياه بيني وبين شريكي سعتها بكون خلص الكلام وما في داعي لوجودي بس ئبل ما انسحب من حياتو بطربأ الدنيا على راسو وبعدين بنسحب وما برجعلو حتى لو اجاني زاحف على ايديه واجريه يعني لو انا مئصري بحئو يئلي بس ما في داعي للخيانه ويا رنوش انا مش معك باني اسامحو حتى لو في اطفال لانو اللي بخون مره بخون اكتر من مره واللي بخون ما الو امان كيف بدك تامنيه بعد هيك على حالك وعلى ولادك؟؟؟

السؤال الاول للشباب بس بالنسبه لسؤال انه لو اكتشفت زوجي انه بخوني ؟
اولا انا مش متزوجه ما جربت هههههههههههه بس راح اقلك حسب طبيعتي يعني انا ما بقبل الخيانه لا من طرف الزوجه ولا حتى الزوج اما لو خاني زوجي بزعل طبعا بس بناقشه بالموضوع وبشوف لو انا مقصره معه وبشو قصرت ولو طلعت مش مقصره معه بولا شي بساله ليش خان وبعد ما اعرف كلشي بعطيه بالشلوط عارفه ليش لانه يلي بخون مره بصير سهل عنده يخون تنين وتلاته وعشرين ولو بدي اكمل معه مهادا مستحيل راح يضا الشك قائم والشك شي طبيعي راح يوقف الحياه بينا لانه حياه مع شك ما بتوافقوا اما لو انا طلعت مقصره معه بحاول احسن من نفسي واسد مواضع التقصير والخلل عندي بس بردو بضل شايله منه وبضل اشك في وبردو بتركه يعني عكلا الحالتين بتركه لانه كان في بدل ما يخون بره يجي ويقلي حسني هيك واعملي هيك ولشو الخيانه بس نقتصه وفراغه عين يعني
وما بعتقد انه الشب بغفر للبنت لو خانت هاد شي اكيد

يعني يا مينا لفيتي ودرتي واخر شي رجعتي لنفس المكان بانك راح تتركيه وصدئيني كل وحده بتعرف حالها اذا هي مئصري ولا لا يعني لو انتي مئصري بضل اهون عليكي والله لا يحطنا بهيك موقف

الكلام اسهل من الفعل واكيد الوحدة لما تصبر الها الاجر عن الله تعالى ويمكن ما يفضل بين الطرفين حياة زوجية بس تفضل ببيتها عشان اولادها طبعا لانو في كتير ناس هاد رايي لارا ما عندهم اهل مثلا ميتين يعني يتيمه هاي وين بدها تصفي او ظروف تانيه متل مرة اب مثلا انا بالنسبه الي لا الاولى تخدم اولادها بدل ما تخدم مرة الاب واولادها ويا ستي تعتبر حالها مش متزوجة بس عايشة مع زوجها عشان اولادها والرجل شو ما لف ودار اخريتو لبيتو ومرتو ولما الرجل يلائي مرتو صاينه عرضووشرفو مع كل الاساءات الي ئدملها اياها بخيانتو برجع لبيتو وخليني احكيلك احنا بصراحة عاطفيين لو بتحبي زوجك وخانك بزعلي وبتعصبي ويمكن تحردي على بيت اهل بس اول ما يدللك شوي ويهتم فيكي شوي ويراضيكي بترجعي زي كأنو ما في شي سار يعني بنضحك علينا بكلمتين funnyofyou
وشي تاني احنا ما بنحاسب الناس على اعماهم النا ننصح واكيد ما راح تكون سهلة انك تسامحي بهيك شي بس بضل بلا اهون من بلا بدي اسالكم سؤال بالنسبه الكم الرجل يخون براة بيتو ولا يجيبلكم ضرة على البيت؟؟؟شو بتفضلو لو كان بس هدول الي مطروحين الك ولازم تختاري واحد فيهم وبدي اجابة صريحة جدا

لا والله يا رنوش فشر ائعدلو بالبيت بدو يتجوز يروح ينئلع عند مرتو التانيه وانا يطلق سراحي ما بدي اياه وما بئبل على حالي اني اكون ئاعده في البيت وانا بستنى يرجع من عند التانيه وانا عارفه انو فهلوئت شو ئاعد يعمل ومع مين لا والله مابئبل شو هاد اليوم عندي وبكرا عندها ليش انا رخيصه لهدرجه مستحيل ولا بئبل الخيانه نهائيا يعني علشئتين ما بضل لو بدي اتشرد بالشوارع وماشي احنا بنضحك علينا بكلمتين بس الا الخيانه او يتجوز علي اي والله والله بئتلو بموتو بسحب ئلبو في ايدي وبرمي في الزباله انا مجنونه ما بتعرفيني نسيت ائلك اني ئبل ما اعمل كل هاد يا شاطره بشلحو مصاري وخليني اشوف كيف بدها تتفرج بوجهو التانيه خخخخخخخخخخخخخخخخخخخخخ

هه يمي خفت لا احسن افضل بعيدة عنك يا ماما
ههه

والله يا لارا اذا طلع بايدك تشلحيه مصرياته لو شلحتي اياهم من قبل ما يخون او يتجوز اما بعد ما توقع الفاس بالراس بلكي طلعت بتحبه وصبرت عليه شو بتعملي و والله يا رنوش انا ما بقبل لا ضره ولا خيانه قال يعني اكون عارفه انه بخوني واضل ساكته احسن ما يجيبلي ضره وانا من النوع الغيور وغيرتي ممكن تقتلني انا وما تقتله هو فلا يختي لشو يروح ينصرف يخون او يتجوز بعيد عني اي والله والله بجيب حد معه ايدز وبسلطه عجوزي واشوف ساعتها شو بده يعمل وبكبه زي الكلب وبتفرج عليه وهو بتحسر على حاله مش بده يخون يلقى ساعتها

ههههه شو هاد والله فعلا متل ما بيئولو ان كيدهن عظيم

هههههههههههههه طبعا يا رنوش لوينتا بدهم يستهبلونا ولهلا ملا شب دخل ورد على سؤالهم هههههههههههه خايفين