يللا نطور ملتقى تفسير الاحلام

اسمعو يا جماعه اولا بدي اشكر المدير لانو حطني مشرفه على الملتقى الاحلام بس بدي اغير شوي من نظامو لانو ملتقى نايم وبدي همتكم معي بدي اعملو حلم وتفسيرو يعني اللي بحلم حلم بسجلو وانا برد عليه وبفسرلو حلمو من هون وطالع انتو احلمو وانا بفسر ولا يهمكم وطبعا اللي عندو معلومه اكيد بشرفني انو يضمها والملتقى بيزدهر بمشاركاتكم ويللا همتكم معنا يا شباب لنطور الملتقى :!:

هه طيب ويلي ما بحلم يا لارا شو يعمل

يرجع ينام يا مينا عشان يحلم

هههههههههه بحاول والله وبقلك النتيجه

والله فكرة حلوة يا لارا ....وهيك المفروض يصير .........ومبروك الاشراف

شكرا الك يا سكر يللا نام عشان تحلم وافسرلك حلمك ولا بعدين بطخك

هوالنوم بالعافيه وعندك الحلم بالطخ شو هاد يا قيمولنا اياها عن هالملتقى بدها تدبح الناس عشان تحلم
ههههه

مشكورة يا لارا على الفكرة الرائعة عن تفسير الاحلام وانا اكيد راح اكتب اول حلم راح احلمه عشان يتم تفسيره عن طريقك وبحب اقولك مبروووووووك الاشراف يا احلى لارا.

يسلمو يا اميره ان شاء الله تكون احلامك كلها حلوه عشان افسرها وانا مبسوطه على فكره انا ما راح استعين بكتاب انا اللي راح افسر لاني الحمد لله الله اعطاني موهبه التفسير ولو اني مش واثقه من تفسيراتي كان ما حطيت حالي بهدا الموقف بس صدقيني الكل حوالي بفسرلهم احلامهم وبتطلع صح ممكن اني استعين بالكتاب في حالات نادرة جدا فلا تستغربو اذا لئيتو حكي الكتاب غير عن حكيي ويسلمو يا عسل على التشجيع

مشكوره يا لارا اسم الله على موهبتك اوعي حد يحسدك بعدين تخربشيلنا مناماتنا وتيجي عروسنا ه

شكرا بس شكلكم ما بتحلمو كنكم يا جماعه ما بتنامو

والله يا لارا انا المشكله عندي بحلم بس هاتي اتزكر شوحلمت كل يلي بحلم فيه برجع بنساه

وين لارا يلي بدها تفسرلنا الاحلام بلاقيها ما رجعت البنت يلا بدي اقلك شو حلمت عاد