نقاش جاد

عادة احنا بنكتب المواضيع باللغه الفصحى بس المره هاي راح اكتبها بالعاميه لانو صار الموضوع معي شخصيا وبتمنى اعرف رأيكم بالموضوع
كنت ئاعده مع العيله بجنينة البيت والله وصوت هلأغاني طالع والزغاريت شغاله وئام الطخ والحاله حاله وئال يعني مبسوطين يا عمي مبروك والله وئامت وحده من العيله حابه تشرب ئهوه وفجأه ما سمعنا الا صوت حجر خبط على الكرسي الي ئامت عنو ئريبتي طبعا زعلنا ومين الي زت وعلى هيك دورنا على الحجر الي نزل والمفاجئة طلع الحجر رصاصة مسدس نحاس وئلبها بارود وهاي اول مره بحياتي بشوف رصاصه وسبحان الله كيف ئامت ئريبتي تعمل ئهوه كان الرصاصه نزلت على راسها وكانت هاي احلى مباركه للعرسان
وهلأ شو رأيكم بالموضوع؟ وانتو مع الطخ بالأفراح؟ ومين راح يكون ضحية الرصاصة الي طايره بالهوا؟ ويا عمي يوفرو هالطلأ للفلسطينيه احسن على الأأل بيستفيدو منو
وشكرا الكم على المتابعه

موضوع مهم جدا يا موف وهو اطلاق العيارات النارية بالافراح انا اعتبره شيء خاطء تماما وقد سمعنا الكثير من الحوادث التي انقلب فيها الفرح عزاء بسبب اطلاق النار ولكن الناس لا يعتبرون ابدا من غيرهم ويكررون نفس الغلط مرة تانية والله سترها قريبتك لما قامت وما بعرف شو بدي اقول بس احنا هيك العرب بنعبر عن فرحنا بطرق خطرة جدا فيا ريت الناس يبطلوا هالاشياء الخطيرة اللي ممكن تأدي الى وفاة اشخاص اخرين لا يكون لهم ذنب .
مشكورة جدا يا موف على الحوار المهم .