الى سيادة المدير

الى سيادة المدير ...تحية طيبة وبعد
انا من رأيي انو تصنيف افضل عشر اعضاء في المنتدى مو لازم يكون حسب المشاركات، لازم يكون حسب اللي بحط مواضيع مفيدة وجميلة وبنبسطو عليها اعضاء المنتدى لأنو الشغلة بالكيف لا بالكم وانا مثلا بقدر احط مواضيع اعبي كل الملتقيات لكنها ممكن اتكون مملة وما فيها اي فائدة اما من ناحية الردود فالواحد ما برد على الموضوع علشان يجامل صاحبو او علشان يجمع اكبر قدر ممكن من المشاركات لكن برد عليه لأنو الموضوع بكون حلو وممتع ومفيد وبستحق الرد

ارجو ان تبحث هذا الموضوع وانا هاد رأيي ..وعلى كل حال الأمر بعود الك..ويمكن يكون رأيي غلط

وفي الختام السلام

انا بلولح و بشولح مع Mr-sukkar
انا كمان معاه في الموضوع
كلامه سليم 100/100

والسلام

انا كمان بضم صوتي لصوت مستر سكر الشغلة مو بالكم نعبي وخلص تافه بايخ مو مهم
اهم شي انو يكون هاد الشخص مواضيعه مفيدة وجميلة ويحبها الاعضاء
مشكور اخي سكر

احنا مو فارقة معنا اول وتاني وتالت يا رنوش بس متل ما انا شايف في بعض الناس صاروا يتنافسوا على تعباية المنتدى مواضيع وردود ....على كل حال انا ما بقصد اجرح حدا بس انا حابب اشد على الفكرة والأمر بالنهاية بعود الى المدير ....وزي ما حكيت في البداية يمكن يكون رأيي غلط ........ بكفي اني عملت حركة في ملتقى الشكاوى والتطوير ........ههههههههههههههه

تحياتي لجميع الأعضاء

veto :|

اقتباس من رد Mr-sukkar
(((متل ما انا شايف في بعض الناس صاروا يتنافسوا على تعباية المنتدى مواضيع وردود)))

اولا انا ما حبيت ارد على الموضوع من قبل عشان ما يكون في حساسية لبعض الاعضاء بس انا الصراحة زعلت من هاي الجملة اللي مش عارفة بالزبط مين بتقصد فيها ؟؟بس على كل حال انا معك انه افضل عشر اعضاء مش لازم يكون بعدد المواضيع بل بما يحتويه الموضوع ومدى فائدة الموضوع ومتعته بس المدير شرحلك انه صعب تحديد هادا الشيء لأنه كل واحد ذوقه يختلف عن التاني بس انا عندي اقتراح راح يرضي جميع الاطراف انه نعمل تصويت لافضل 5 اعضاء بلاش 10 اعضاء على شرط ان يصوت جميع الاعضاء النشطاء والمشاركين بالمنتدى واكتر نسبة اصوات لافضل 5 اعضاء بنحطها كل شهر وانا راح اتشاور مع المدير ونحط التصويت قريبا وتحياتي لمستر سكر والى الجميع ومنيح انه حركتلنا منتدى الشكاوي ههههههههههه وسلااااااام

هاد تعليقي ببساطة



:( يلعن اخت الساعة اللي انكتب فيها هاد الموضوع

لو عارف انو هاد الموضوع بزعل ناس كتير واولهم اميرتنا كان ما كتبتو

مع اعتذاري على هذه الألفاظ

السلام عليكم ورحمة الله وبركاته
شكرا يا اميرة على الطرح طرح وحل بيرضي الجميع والمساله
باعتقادي مش مسالت تنافس ما بدنا نظلم حد ولو كان هيك
التنافس مش غلط بين الاعضاء مع احترامي للجميع كل واحد
بيحاول ايقدم المجهود الي بيقدر علية ولو كان في اعضاء
بيشاركو بردود هاد شي كويس .ولو حد كتب موضوع وشاف
اهتمام من الاعضاء بموضوعه وردود علية شيء جميل
هاد رايي.
وشكرا للجميع