معلومات عن الذهب

معلومة راح تفيدك خصوصا عند شراء الذهــب

الذهب له أربع عيارات وهي عيار 18 و 21 و 22 و 24 .... وفي غيرها طبعا بس المسموح بالخليج هي هذا
عيار 24 معروف عالميا انه ذهب صافي
وبنسبه لعيار 18 فهو ذهب بس مخلوط معه فضه أو نحاس أو زنك... يعني تكون نسبه الذهب فيه 75% والمواد الإضافية هي 25%
وعيار 21و22 نفس الكلام اللي فوق بس بنسبه اخف

وبالنسبة للذهب الأبيض هو في الأساس ذهب اصفر بس مطلي بمادة اسمها براديوم مع الوقت يختفي اللون الأبيض ويرجع للونه الطبيعي والذهب الأبيض يأتي في عيارين بس اغلبها 18 وأحيانا 21

.......................

وأفضل العيارات هو عيار 18 و 21 ... والسبب هو تحملها للضربات وبرضوا تكون في إشكال جذابة وجميله.
أما عيار 24 فهو بالنادر يكون مشغولات ولاكن يكون على شكل قوالب ذهبيه ... ماقد شفتم الجوائز اللي يقولون اربح كيلو ذهب ؟؟

الذهب له أكثر من ماركة أو مصدر:-
مثلا الايطالي السنغافوري الهندي الإماراتي البحريني الكويتي السعودي والكوري ... وغيرها كثير

وأفضل الا سامي اللي فوق هو الايطالي الكوري السعودي الكويتي
وبعدها
السنغافوري البحريني الإماراتي

...........................

أنواع الذهب:-
الذهب العادي:- اللي هو سادة ماعليه فصوص ولاشي . عادة يكون عيار 22 ونادر بعيار 21

ديلوكس:- اللي عليه فصوص على خفيف. يتواجد بعيار 18 و
21

سوبر ديلوكس:- اللي كله فصوص ((وسعره اغلي)). يتواجد غالبا بعيار 18

....................

تصنيف الذهب:-
يصنف لنوعين:
الأول النواعم (( وتواجدها يكون بالعادة بعيار 18 و 21 وهي أفضل الأنواع لانها تساير الموضة))

...........................

الثاني الشعبية (( وتواجدها يكون بعيار 22 غالبا وأحيانا بعيار 21 بس قليله .. طبعا هذي أكثرها مشغولات عاديه جدا وما عليها إي تصاميم جذابة في الغالب وأكثر ماتروق لكبار السن))

....................................

الحساب:-
اشلون تعرف إن هذا البائع اللي قدامك مايغشك؟؟؟ وكيف حسب لك سعر الذهب؟؟ هذا شي كنت أتمنى إني اعرفه لأني كنت أروح عند كذا واحد ولو تلاحظون في محلات الذهب إن البائع اللي يباشرك مايسيبك اللين تخرج من المحل؟؟؟ يروح معاك في كل اتجاه....
فكنت اطلع من المحل وارجع مره ثانيه وأروح لزميله ويقولي سعر اقل بكثير من اللي قاله خويه؟؟؟
المهم طريقة حساب الذهب:-
المعادلة هي :

سعر الذهب = سعر جرام الذهب+المصنعية(( شغل الصايغ )) × وزن الذهب
معلومات عن الذهب C3cb8cc9a4dd43a2bf557533697d0093

أول شي اسئله عن سعر الذهب اليوم؟؟؟؟ راح يعطيك سعر الذهب الصافي اللي هو عيار 24
ولنفرط انه قال لك إن سعر الذهب اليوم هو 50 ريال
والطقم اللي اشتريته أنت كان طقم صناعه سنغافوري عيار 21
أجور تصنيع المنتجات السنغافورية هو مابين 8 ريال إلى 10 ريال
طبعا سعر عيار 21 يختلف عن عيار 24 وعشان نحسبه خذ هذي المعادلة اللي تحدد لك التفريق بين العيارات:
عيار 18 = 0,750 * السعر اللي قالك عليه((مثلا 50)) = 37.5 ريال للغرام

عيار 21 = 0,875 * السعر اللي قالك عليه((مثلا50)) = 43.75 ريال للغرام الواحد

عيار 22 = 0,916 * السعر اللي قالك عليه((مثلا50)) = 45,8 ريال للغرام

عيار24= 1 * السعر اللي قالك عليه(مثلا 50) = 50 ريال لأنه قلنا إن عيار 24 هو سعر الصافي اللي دايم راح يقوله لك.

عشان تعرف كيف جبت الأرقام اللي فوق مثلا 0,750 وجميع الأرقام اللي فوق تجي كذا.
العيار المطلوب / 24 = راح يعطيك رقم ثابت مثلا:-
عيار 18 = 18/24 =0,75
وأتمنــى أنكم فهمتوا شلون طريقة الحساب

وراح أعطيكم مثال أسهل :

قبل لاختيار اسألي البياع عن سعر الذهب اليوم ( كم سعر الجرام ) اسأليه عن الذهب عيار 18 وعن عيار 21
نصيحة روحي لأكثر من محل عشان تتأكدين في منهم يقصون عليج
مثلا سعر جرام الذهب عيار 18 اليوم 56

وإذا اخترتي الخاتم أو الاسويرة:

اسألي البياع عن الوزن وتأكدي بنفسج إن كان وزن الخاتم 16جرام
وعقب اسألي عن المصنعية وحاولي اتكاسرينه وتنزلين فيها والمصنعية مثلا 20

طريقة الحساب
سعر الذهب = سعر جرام الذهــب + المصنعية(( شغل الصايغ ))× وزن الذهب
= 56 + 20 × 16
= 1216

أتمنــى الكل يطبقها عند شــــــــراء الذهب
....................

وهذي بعض صور الذهب اللي
لأبسوه الفنانات يعني
ع الموضه وحلووووووو
وبنااااااااااااتي..
معلومات عن الذهب 2b49618ae9d55f8fc11c77b9e74a6470

معلومات عن الذهب 2b49618ae9d55f8fc11c77b9e74a6470

معلومات عن الذهب 6c77f3d1da6424476d0dac5ca5ca2b47

معلومات عن الذهب 8a517b4396e05c47d67cc86041c673c9

معلومات عن الذهب 07fc633ae80d472dbbf20c6ecccd6673

معلومات عن الذهب Cbb2ba200c1a8e3b8fe632ea543377f1

معلومات عن الذهب 2546b4c859eb985e55d5c5621b46bb4e

معلومات عن الذهب B7ba176472af751f26ecce3d17db96c3

معلومات عن الذهب F130587b4a25d5079e30c103f3e660e4

معلومات عن الذهب 73bcc1b50a0229242853e38739e3f92d

........................

أأحتـــراامي للجميع...
مماراق لى معلومات عن الذهب 1%20%287%29

شكرا لك يا وردة القمر على صور الذهب الرائعة جدااا وعلى الموضوع المهم للمعرفة والاستفادة ويا ريت لو تهديني اسوارة من اللي فوق هههههههه
تقبلي تحياتي

» سيجارة من الذهب الخالص!
» الحكمه من تحريم الذهب على الرجال
» فراري من الذهب صاحبها امير سعودي‎
» وصية حكيم تستحق أن تكتب بماء الذهب
» نابلس: تاجر ذهب ينصب على تجار المجوهرات ب100 كيلو غرام من الذهب