هل تريد تعلم السحر ؟

ههههههههههههههههههه مع كلامك هاد ما اعتقد انو في حد راح يتعلم السحر لانو الكلام هاد بس بنقرأوا في الكتب بس على الارض
الواقع بصراحة تامه ما في منو هاد الحكي يعني

1- ابتسم في وجوه الآخرين .:طيب ابتسمت اوكي والي معك مش طايئك ومكشر بوجهك شو سعتها راح تعمل؟


2- ابدأهم بالسلام .طيب بدينا بالسلام والي سلمت عليهم ما ردو وحسيت انو مو مرغوب فيك



3- أظهر الحفاوة والترحيب بهم .هههههههههههههه على شو الي بدو يجي عندي برحب فيه بس والله بصراحه انسان ما بحبو ولا حتى بعبرو



4- ادع لهم ولوالديهم عند الفراق .ليش ما الهم لسان يدعو لنفسهم شو دخلني بفلان وعلنتان واهلو كمان؟



5- احترم الكبير .طيب ماشي احترمت الكبير بس هو ما بستاهل الاحترام وطول الوئت مش خالص منو ومن ئرفو لانو بيتدخل بكل شي ومعكنن عليك حياتك وئارفك بتضل محترمو ؟



6- ارحم الصغير ، وقبل رأسه .وان كان هاد الصغير وقح وئليل حياء ومو مربى وبجاوب كل كلمه اكبر منو سعتها والله بدو دبح مو رحمة



7- اقبل الانتقادات بروح طيبة .بصراحة انا بالنسبه الي الي مو عاجبو ما يحكي معي وطبعا احسنلي بريح راسي من كل هالعالم الزباله



8- لاترفع صوتك في الحديث والمناقشات .وان كان الي بحكي معاه طويل لسان وبئاتل فيني اسكتلو؟الي بيحكي معي باحترام بحترمو غير هيك الي بدء الباب بسمع الجواب



9- اعترف بالخطأ في حال وقوعه .مين هالايام بيعترف بغلطو والله كل الناس بتغلط وكمان بكل وقاحة بيحطو الغلط عليك انا اعترف بغلطي ليش بس عشان اكون ملطشه للرايح والجاي



10- اعترف بالفضل لأهل الفضل .بعترف هاي معك فيها لانو هيك اهلنا ربونا تربايه منيله



11- تغاض عن هفوات الإخوان وزلاتهم .لا ابدا انا ضد هاد المبدء عارف ليش؟ لانو لو سكتت مرة بدك تسكت كل مرة واليوم كانت هفوات صغيرة بكرا بتسير غلطات كبيرة بحقك انا بالنسبه الي اقطع العرق وسيح دمو
من اولها لسا بدي استنى لحتى تكون كبيرة


12- انصح المقصر بلباقة ولين وتلطف .



13- تصدق على الفقراء والمساكين .



14- اعف عن من ظلمك .ههههههههههههههه الي بيعفو هو بس ربنا سبحانه وتعالى انا بالنسبه الي الاسى ما بنتسى والي ظلمني ابدا ما بسامحو والله بضل وراه لحتى اخد حئي مني وسعتها ما بهمني انا ومن بعدي الطوفان



15- أكرم صديقك وجارك .ليش في صديق اليوم متل العالم والناس والجيران ما شاء الله كل واحد فيهم بكون يستنى تنكسر لحتى تكتر السكاكين



16- صل رحمك .وينهم؟
الي ما بسئل في ما بسأل عنو حتى لو كان بابا



17 - أعط كل ذي حق حقه .



18 - أغث الملهوف .



19 - أعن المكروب .



20 - قم على حوائج الناس كل واحد يئوم بحوائجه انا مو مجبورة بحد

سوري ان كنت انتقدت الكلام الي كاتبه بطريئه هجوميه بس هيك علمتني الدنيا وانا عم بكتب هاد الحكي من مرمطة الحياة الي عشتها... المثاليه بهاد الزمن والطيبه تعتبر هبل والكل بيدعس عليك

انا موافقه رأي رنوش لانه بهاد الزمن ان لم تكن ذئبا اكلتك الذئاب
او ان لم تكن ذئبا كن حيوان اخر
هههههههههههههههههههه
سوري
وعنجد مشكور يا دريمر على الموضوع بس هاد ما بتماشى مع وضعنا الحالي
بس عنجد موضوعك حلو ويا ريت الكل يتعظ ويعمل فيه يمكن تتحسن حياتنا للاحسن بس للاسفل هات حد يسمعلنا

اهلا مينا حبيبة ئلبي هاد الكلام الزبوط