ما رايك ببرنامج خواطر؟ (أرجوا التصويت)

السلام عليكم يا اعضاء منتدى الشلة........

انا حابب اعمل تصويت واشوف رأيكم ببرنامج خواطر الذي يقدمه احمد الشقيري ....برنامج عن الشعب الياباني...ومدى تقدمه واخلاقه......

هاد البرنامج تعرض للنقد من البعض بانه برنامج يمجد الشعب الياباني ويرفع من شانه ...ويهبط من شان الشعب العربي...
فحابب اسمع انتو شو رايكم بهاد البرنامج


انا بصراحة من المعجبين بهاد البرنامج ...انا بقول انو هو بينقل الواقع والواحد منيح يتعلم من الشعوب الغير مسلمين التقدم والخلاق والحضارة واحترام الانسانية....يعني ليش احنا نتعلم الواكس والجل وبنطلون الخصر الساحل والسكنى والسترتش ..والبلوزة النص بطن.....ليش ما حد اعترض هدول الشغلات وجايين يعترضوا على برنامج بعبر عن مدى احترام الشعب الياباني لكرامة الانسان علشان احنا نتعلم منه

فانا حابب اشوف تصويتكم وبرجو انو كل واحد بيصوت يعلق على الموضوع

مششششششششششششششششكور اخي على الموضوع الرائع

الصراحة انا ما بعرفه بس انا اخترت الاختيار الاول مشكور

...لأنك ما حضرت البرنامج بتحكي هيك..........ارجو انك تحضر حلقة وحده من البرنامج وسترى العجب يا مان..........انا ما قصدي انا ما قلت انو الشعب الياباني شعب كامل بأخلاقه....قصة الانتحار والاكتئاب والعلاقات الأسرية هاي مو موضوع البرنامج....يعني انت خد الشغلات الممتازة اللي عندهم.الحضارة والتكنولوجيا ودور الحكومة......انا قلت انو الشعب الياباني شعب يحترم الى حد كبير الكرامة الانسانية .......واكيد انو الأخلاق لا يمكن ان تكون كاملة الا بالدين الاسلامي وعلى نهج الرسول صلى الله عليه وسلم........لكن بالبرنامج بتشوف انو الشعب الياباني في كثير من المواقف وكانه بطبقو الدين الاسلامي وهمه اصلا مو مسلمين.........بتشوف معنى انو انا كيف افكر بغيري.......

ومو غلط انو المسلمين يستعينو بخبرات غير المسلمين ويتعلمو منهم......الرسول صلى الله عليه وسلم في رحلته في الهجرة استعان بعيد الله بن اريقط كدليل للطريق وكان مشركا

عصفور انا فاهم عليك انت وصلتك الصورة غلط لأنك ما حضرت البرنامج..هو بيجي على الmbc

انا اللي بدي اقوله انو ليش احنا بنتعلم من غير المسلمين اللباس وقصات الشعر....وما بنتعلم كيف نحترم الكرامة الانسانية.....لما تشوف انو عملو في اليابان زي شغلات على الشارع علشان تدل فاقدي البصر على الطريق...جابولك مرة فاقده البصر ...طلعت على السوق ولفت ..وتنقلت بتلات قطارات ورجعت على البيت ...هاد طبعا عملو بسبب حادثة قديمة انو رجل ضرير مات كنو دعستو سيارة فقررت الحكومة اليابانية تعمل هادي الدلائل..

شوف كيف بعملو الآطفال على حب العلم والتعلم.....شو بدي احكي لأحكي يا مان .....لو تحضروا رح يعجبك كتيييير


بالنسبة لبحر الشوق ما بصير تصوتي عن اشي ما بتعرفيه انو برنامج تافه ولا يعني شيئ


انا ما بدي اقنعكم غصب عنكم بالبرنامج بس انا حابب اسمع الرأي من اشخاص حضروا ولو حلقة وحده منه

والتصويت مستمر الى ما شاء الله
يعني بتقدرو انو تحضرو حلقات منو وبعيدن تحطو رايكم

وطبعا مشكورين على تصويتكم...والموضوع يستاهل النقاش

انا حضرت البرنامج كله تقربيا وعنجد البرنامج هذا كان رائع جداً في طريقة طرحه ولم يكن فيه اي اساءة للعرب بل بالعكس كان هدفه تذكير العرب باخلاق الاسلام المفقودة لديهم في الوقت الحاضر
واكتر حلقة عجبتني كانت حلقة احترام الوقت اللي فيها بين قديش اليابايين بهتموا بدقة المواعيد للحافلات اما في العالم العربي كان المواعيد فوضى
عنجد برنامج رائع
اشكرك صديقي على هذا الموضوع الرائع واتمنى من اعضاء الشلة مشاهدة هذا البرنامج قبل الحكم عليه
تقبل مروري

انا اليوم يا مان دخلت على ملتقى مقاطع الفيديو وشفت الفيديو الي حطيته انت عن البرنامج حضرته عجبني ودخلت على اليوتيوب وحضرت اكتر من حلقة وشفت شغلات ما بتخطر على بال .شفت مكتبة ادبية في اليابان 9 طوابق يا زلمة .واحكوا كتير اشيا حلوة عن اليابان الي انا شخصيا ما كنت متوقعها لهدرجة.يعني اليابان احتفلت قبل 10 سنين بتخليص اخر ياباني امي من الامية وعلموه يقرا ويكتب يعني نسبة الامية في اليابان صفر بالمية بينما النسبة بالوطن العربي 40 % .بعدين اليابان عندها مركز بيعلم اليابانيين كيف يتصرفوا بالكوارث.اخ يا مان والله اشي بنتحسر عليه .غيرتلي رايي مية درجة بهالبرنامج.وصدقني لو احنا ملتزمين بالدين الاسلامي كان احنا احسن منهم مية مرة .
بس خبرني البرنامج بينعرض حاليا على ال م بي سي ولا خلص.

والله عصفور انا بحضرو على المحطات المحلية عنا بينقلوه من الmbc لأنو ال الmbc متقدمة فقلت بتابعو من اولوا.........بس بتوقع انو خلص على الmbc وبحكو بدهم يعرضوا على قناة الرسالة من اولوا

اشكركم جميعا على تصويتكم ومشاركتكم في التصويت والرد..........شوفوا الحلقة التانية بتجنن عن مدينة كيدزينيا للأطفال ...هاي مدينة بتعلم الطفال كيف يكونوا حرفين واصحاب مهن......يالله شوفوها بنفسكم