حــــوار بـــيــــن عـــضـــويـــــن

تذكير بمساهمة فاتح الموضوع :

السلام عليكم ورحمة الله وبركاته

كيف حالكم؟ ان شاء الله تكونوا بالف خير

فكرة جديدة واكيد راح تعجبكم كثير يا احلى اعضاء

الفكرة هي كالتالي:

راح نعمل هنا عدة حوارات بين كل عضوين مع بعض

حيث يطرح كل عضو اي سؤال يريده على العضو الاخر

سواء سؤال خاص او سؤال عام او اجتماعي او عن المنتدى ،،،الخ؟

وبعد ان يجيب العضو الاخر على السؤال يطرح سؤال على العضو الاول

حتى يكتفي العضوان من الاسئلة .................

وممنوع مشاركة الاعضاء الباقيين باسئلة ما بامكانهم فقط التعليق

وبعدها اختار عضوين اخرين او اذا اراد اي عضو التحاور مع عضو معين يرسل لي

رسالة خاصة مع اي عضو يريده؟او يكتب انه يريد التحاور مع شخص معين هنا

وبامكان العضو المشاركة باكثر من حوار ولكن على مراحل متباعدة

اتمنى تكون الفكرة وصلتكم واذا كان عندكم اي استفسار اكتبوه هنا

مع تحيات اميرة الاحزان

Surprised

بندم على فترة من حياتي ضيعتها مع بنت مستهترة بكل شي في الدنيا وكانت راح تضيعني معها بس الحمد لله الي انقذني من هالورطة بالوقت المناسب.

السؤال :بما انك سرقتي مني سؤال فانا راح اسرق منك سؤال :
سميلي قرايبك بالمنتدى وشو بيقربولك؟
ههههههههههه انا جاوبت عليكي يلا نشوفك صريحة ولا لا .

ول عليك كايتن تستناني اجاوب

بعدبن ماشي شو هلسؤال والله لنتقم منك

على كل مو الكل لانهم كتار رنوش وموف وتوتو خواتي

بنوته اموره بنت خالتي
مينا بنت خالتي

محمد مقابله جارنا

ام عبود جارتنا

دريمر خالي

سايكو ابن خالتي

اي وحده احلا ريماس ولا حلا واعلق بين التننين

هههه يعني فكرك تحرجيني بقولك خوات يعني شبه بعض كيف بدي اعرف اني الاحلى التنتين حلوين .بدك اعلق عليهم ماشي :
ريماس :حلوة وقلبها طيب مع انه مرات بتعمل حالها فيلسوفة بشغلات بتكون مش فاهمة اشي منها .بتحاول انها تحط راسها براسي بس ما طلعت معي راس .

حلا :حلوة ومرحة و بلاقيها بتحب الدنيا مع انه الدنيا ما بتسوى شي .
السؤال:
مين اكتر شخص زعلتي منه بالمنتدى وليش؟

سايكو لانو بطل يفوت على المنتدى

طيب يا شاطر متى اخر ئتله اكلتها من امك ؟؟؟؟؟؟؟؟؟؟؟؟؟؟؟عشان اجي اساعدها ههههههههه

امي ولا عمرها فكل حياتها ضربتني اما ابوي كتير واخر مرة قبل ست سنين تقريبا .

سمعت انك حرقتي المطبخ مرة صح ولا لا ؟خبرينا عن القصة خلينا نضحك عليكي شوي.

ههه الله ياخدها مينا الموضوع صعب شوي وما بينحكى بس هو وصفه وصفولي اياها لانو الولاده كانت متعسره كتير عندي وصرت بنص الشهر العاشر والجنين كان راح يموت فعملتها بس اللي نصحوني فيها ما ئالولي انو المطبخ راح ينحرق pirat

هههههههههههه

طيب مش انت بتحكي انك بتحب تالا في عندك نيه صادقه للزواج منها؟؟؟؟؟؟؟؟؟؟؟؟؟؟؟؟؟ بس ئبل ما تجاوب هات عنوانها ههههههههههههه
بتحط حالك بمواقف بايخخخخخخخخخخخخخخخخخخخخخخخخخخه

احرجتيني يا لارا بس جوابي راح يكون لا .والسبب هي بتعرفه .

السؤال :لما لارا تغضب شو بتعمل؟جينا للرعب.

يعني انا واياك روسنا حجر ما راح نطلع مع بعض براس pirat

ههههه

بضل اصرخ اصرخ اصرخ لحديت ما صوتي ينبح بروح بشرب مي وبكمل صراخ وبضرب مره من كتر ما كنت معصبه مسكت امير وخنئتو لولا ما ماما ضربتني كف سيعتها تركتومن ايدي وما كنت حاسه على حالي اني خنئتو طبعا هاد الحكي السنه الماضيه على كبر pirat

هههههه
انا كتير عصبيه بس السنه هاي كتير هاديه خلص كبرت

اخر مره ضربك ابوك فيها شو كانت غلطتك شكلها حرزانه

اخر مرة هي بسبب البنت الي حكيتلكم عنها وكانت ببربيج بس الله لا يورجي حدا لحقني انا وصاحبي بالشارع بالبربيج ونزل فيي ضرب انا وصاحبي قدامكل العالم .الله لا يورجي حدا وزميلي في القتلة هو كيمو الي سجلته بالمنتدى بس ما شارك مش عارف ليش.

السؤال:

هل انتي بتشوفي حالك كامراة جميلة ولا لا ؟

ه بس انا حبيت اعلق شوي حواركم كتير حلو وكوميدي ويمكن فيه لحظات حزن واخدتكم قعدة الحوار وصراحتكم كتيرررررررررررر حلوة ورائعة جدااا بس بدي اقول للارا بالنسبة لجوبا هو كان اسمه قبل عاشق العذاب وهلأ صار جوبا اما القلب المجروح فهو عضو تاني وبنستنا تكملة الحوار الحلو هههههههههههههه

يسلمو يا اميره على مرورك وعلى المعلومات عن الاعضاء الله يريح بالك صارلي زمان نفسي اسال هلسؤال

بصراحه لا بحس انو المراه الها صفات معينه مش موجوده فيه

طيب ممممممممممممممممممم خدلك هلسؤال تالا عضوة من اعضاء المنتدى؟؟؟؟؟؟؟؟؟؟؟؟

اذا مو حابب تجاوب عن هلسؤال خدلك سؤال تاني

اكتر عضو بتكرهو بالمندى من هو؟؟؟؟؟؟؟؟؟؟

هههه
بحب احكيلكم شي اني انا بجد مبسوطه من الحوار الصريح والحلو هيدا

على فكره لارا وهي بالحمل حلوه يا عصفور كيف هلء اكيد كتير احلى

تقبلو مروري والكم احترامي على الحوار الحلوووووووووووووووووووووووووووو

اهلا نونا وين زمان ما بينتي عنجد شفتيني كيف زي الفطبل صح pirat

هههههههه يسلمو على المجامله الحلوه وشكرا لمرورك كتير

شكرا يا اميرة الاحزان ويا نونا على مروركم على حوارنا انا ولارا .ولارا اكيد حلوة سواء وهي فوطبول او كرة تنس اكيد حلوة.
بالنسبة لاسئلتك :تالا مش معنا بالمنتدى يعني لو هي معنا انا بقدر احكي معك .هههههههههههه
اكتر عضو بكرهو في المنتدى ما راح اجاوب عليه هلا لانه بس بيطلعلك سؤال واحد اسالي المرة الجاي.

السؤال :
في موضوع انا مرة حطيته بالحوار وهو لو كانت حياتك قصة شو بتختاري عنوانها ؟

حبيت هالسؤال لاشوف شو العنوان الي راح تختاريه مع اني متاكد انك راح تختاري يا ماروكو يا بوكيمون .

شو يعني قصدك غاب القط العب يا فار هههههههههههههه اخس يا خويفه يا خويفه يا خويفه يا خويفه لولولولوولولوللولوولولو يا خويفه

بس انا بتزكر اني اخترت عنوان امل ورماد

طبعا اخترت هادا العنوان لاني كنت كاتبه قصيده كانت كتير حلوة وحزينه وكنت حاطه فيها كل مشاعري وكسبت فيها جائزة

بس لا تسالني شو هي لاني مش متزكره منها غير عنوانها

سؤالي كمان مره مين اكتر عضو بتكرهو بالمنتدى ؟؟؟؟؟؟؟؟؟؟؟؟

يعني السؤال وراك وراك ههههههههههههه

اه وبالنسبه لكرة التنس شكرا على الغزل اللي من نوع خاص جدا ميرسي يا ابو بريص لا تفهمني غلط بس بتغزل فيك هههههههههه

هههههههههههه ما شاء الله حوار مرتب كتير
انا كنت داخلة كزائر بالمنتدى وحبيت ادخل اعلق عليكم شوي بعد قراءتي للحوار
حواركم حلو ومليء بالصدق والصراحة
ورغم وجود كوميديا فيه حسيت بمرارة وحزن موجود عند الطرفين
شكرا لاميرة الاحزان على افكارها الخلاقة الرائعة
تقبلوا مروري.

شكرا يا ملكة الحنان على مرورك على حوارنا .

بالنسبة لسؤال لارا المجنونة فالجواب هو :

سليم وهو بيعرف ليش .

سؤالي للارا :

مين اكتر عضو بتحبيه بالمنتدى ؟

هدا مش زي سؤالك انا غيرت

شكرا يا ملكه الحنان لمرورك
اللي بعيش يا ما يشوف

بعدين شو يا عصفور مش عاجبك هلا راح اعطيك سؤال لعيونك

اكتر شخص بحبو تموره مع اني بحب الكل بس تمورة بتضل اغلى حبيبه ئلبي

كم من مره سرئت في حياتك؟؟؟؟؟؟؟؟؟؟؟؟؟

والله تمورة بتستاهل كل خير والله يوفقها بالتوجيهي السنة هي وامورة القدس

سرقت :مش متذكر اذا سرقت انا وصغير بس حاليا انا بسرق معلمي يعني هو بيسرقني بالمعاش لانه بيطلعلي اكتر بس انا بطلعها بشغلات تانية .على كل هو يهودي بيستاهل .

السرئه سرئه يا عصفور ههههههههههه وبعدين وين السؤال يا هبيله

شو رايك اسال حالي واجاوب

مانا معك يا لارا واوقات بقول حرام بس بعد الي بشوفو منه ومن نكشاته مع العالم بقول انه والله بيستاهل .ممكن انا مش ملتزم بالدين كتير بس انا بشوف اني برجع حقي لانه كل شهر بياكل عليي 500 شيقل لجيبته وانا صارلي فترة طويلة معه يعني شوفي اديش صار سارق مني.

هل انتي ملتزمة بالدين الاسلامي ؟"مش شرط بس الحجاب بالقلب"

اذا هيك بستاهل وما اسمها سرئه اسمها خلاصه حق يا هبيله

انا محجبه بس ما بلبس جلباب عادي وبالنسبه للصلاه بصلي بس بئطع كتير

ونفسي ائوي ديني بس مش زابطه لانو الحياه بتلهي بس بخاف ربنا والمحرمات كلها الحمد لله ما بئرب عليها بس لو التزم منيح بالصلاه وخلص لاني من جواي كتير نضيفه وبعمل خير كتير بس اكيد المادح نفسو كذاب وما بحب امدح حالي لانو في اشياء يمكن ما اشوفها ناس غيري تكون شايفاها فيي

طالما انك دخلت بالدين بدي اسالك انت بتصلي؟؟؟؟؟؟؟؟؟

لا ما بصلي بس نفسي اصلي لاني بصلي اوقات .ولما اصلي بحس براحة نفسية كبيرة وبامان غير طبيعي بس الشيطان الكلب ما بيترك حدا في حاله بعدين مش بس انا كتير من العالم هلا نسيو دينهم من شان شغلات فارطة.
ان شاء الله يا لارا بنصير نصلي انا وياكي على طول.

وانا بتوقع بيكفي هيك خلي ختام الحوار بكلامنا عن صلاتنا بركي الله هدانا.
شكرا يا احلى لارا على انك استحملتيني واستحملتي اسالتي البايخة .وانا استحملتك كتير يا لارا .
انا استمتعت كتير بالحوار معك لانك انسانة طيبة وقريبةمن القلب كتير ونشيطة كتير بالمنتدى.
الله يوفقك بحياتك .والله يخليلك ولادك يا رب وتفرحي فيهم وتشوفي ولادهم وولاد ولادهم وتصيري احلى تاتا بهالدنيا .
وبالنسبة للتصويت صدقيني مش سائل وان شاء الله بتفوزي انتي من كل قلبي لانك بتستاهلي كل خير .

نســيمُ الصّبحِ يالارا بحسنكِ باتَ محتارا

إذا هبت نســـــائمهُ يهبّ السحرُ إعصارا

وإن ســـالتْ جداولهُ يسيلُ الحســنُ هدّارا

أزاهير الهوى نقلتْ إلى أذنيّ أخبـــــــارا

وقالت لي أقاويـــــلاً محيــّــرةً وأســــرارا

فكمْ حطّمتِ بالنظـــــراتِ أســــواراً وأســـــــوارا

وكـــمْ أخضعتِ بالعينيـــــنِ جبّـــــارا وجبّـــــــارا

*****

إذا أقبلــــــــــتِ يالارا ملأتِ الكـــون أسرارا

وإذْ ما سـرت في دربٍ ملأت الدرب أزهـــارا

وإنْ رفرفـــتِ بالأهــــــدابِ غابَ القلـــبُ أو طارا

وإنْ حدّثتِ فالألحــــــــــان لا تحتاج قيثــــــــــارا

*****

سأحكــــي دائماً عنكِ وأكتبُ فيـــــكِ أشعارا

فلا تنسَـــي ملاكَ الحُسْــــــنِ صبّاً فيكِ احتــــــارا

وقلبـــــاً لم يزلْ يشدو حمــــــــاكِ اللهُ يالارا

حمـــــــاك الله يالارا

على فكرة انتو الاتنين كنتو كتير صريحين بالاجابة عن اسئلة بعضكم البعض وحواركم ممتع كتير بالقراءة وفيه كوميديا حلوة كتير وحلو انكم استحملتو بعض بتمنى الله يوفقكم بحياتكم يا رب وتتحقق كل احلامكم ان شاء الله وصرت محتارة بقصة التصويت اني احطها او الغيها لانه برايي انه انتو الاتنين متعادلين بصراحتكم بس راح اخذ رأي الاعضاء بهذا الموضوع حتى افتتح بعدها حوار جديد باذن الله
وشكرا لعصفور النار ولارا على قبولهم الاستضافة والتحاور مع بعضهما البعض
سلامي وتحياتي للجميع.