يرحم ايامك يا ستي

أيام زمان مرت مع الأزمان

عزيزي القارئ شو رايك نسترجع أيام زمان مع عصرنا الحالي ,,,

يعني مو بعيده أيام زمان بس قبل 50 سنة تقريبا ...

(( الشهادة والتعليم ))

زمان ... كانت الشهادة تنفع وتخليك مدير ..

هالوقت ... الشهادة الجامعية لوحدها ما بتكفي ولاّاا تصير زي واحد معه محو أمية ,,,

(( الشيقل ))

زمان .. الشيقل ماكان لسة طالع كان الدينار كان له قيمة حتى القروش يستفيدون منها ,,

( كان سيدي يقلي انو بقرش واحد كانو يشترو شيبس وعصير )

هالوقت ,, الدينار صار ما يجيب الا بيبسي ,,,

(( الزواج ))

زمان .. كانت أمور الزواج ميسرة وقليلة العنوسه ...

هالوقت ... العنوسة تزيد كل سنه والزواج تكاليفه تهد الحيل ,,,

(( الأغاني ))
أغاني زمان كلها شعر وكلماتها تدخل القلب والعقل ... وما تنتهي صلاحيتها ...

أما

أغاني هالوقت سواليف وحكي كتير وفاضي ... قلي وقلت اله ,,, زحمة يا دنيا ....!!!

ولاّااا البرتقاله عذبتي حاله ويا الرمانه ويالتفاحه و و و >> فواكه

العنب والبقدونس والتفاح

وبعدين يالكوسه ويالبيذجانه >>> للي زعلان من مرته ...

وانا دانة انا دن دن فتح عينك تاكل ملبن >> لا والمصيبة منكيف عليها

وليك الواوا بوس الواوا خلي الواوا يصح <<< بس بدنا اي شي نرقص عليه

(( الفيديو كليب ))
زمان .. الفيديو كليب يقف الفنان ويغني لحد ما تحفظ أشباهه وما تجيك الا لقطات بسيطه عن عيون امرأه أو وجهها من بعيد ...

هالوقت .. الفيديو كليب بتحوّل عيونك من كثر لقطات هالبنات اللي ترقص على الدقه وما بتعرف مين هو الي عم بيغني

((( المسلسلات )) >>> التمثيليااااات
زمان ... تنتظر حلقة بكرا على أحر من الجمر ويضيق صدرك اذا جائت الحلقة الأخيرة لأنه وراها هدف اجتماعي ...

هالوقت ... مسلسلاتنا من أول حلقه تقول يلا متى تخلص وتجي الحلقة الاخيرة >>> ما فيه وقت نتابع ..
ومسلسلات هالزمن اغلبها بيمطمطوا فيهم <<< بالعافية وبالموت بدهم يوصلوها لتلاتين حلقه

لا وصار في مسلسلات تركية ومكسيكية مدبلجة بتقعد سنة تحضر فيها

(( الحب ))
حب أيام زمان آخره زواج ويكون صادق من القلب فيه تضحية واخلاص . .

هالوقت .. فيه حب بس نادر ما تلقاه صادق ...

الأكثريه بيحبوا بس بيمشوا على مقولة

* اشحن سوا ..... نطلع سوا .....*

(( الجيران ))
زمان .. الجار للجار حتى بيروحوا معك للمناسبات ويشاركونك أفراحك وأحزانك ... وتحس اللي جنبك أهلك مو جارك ...

هالوقت .. الجار ما بيعرف عن التاني

و اذا رن عليك حدا قلت شو بدو هادا ؟؟؟ >> والله جيران مزعجين ...

اكبر مثال ( قبل سنة انحرقت بيتنا ونصرررخ وجيرانا الباب الي قبالنا ماطلوا علينا ولا سمعوا حتى )

(( الأكل ))
زمان ... كان صنف واحد يشبعك وطعمه ما ينتسى ... حتى الخضرة كان لها فايدة ,,

هالوقت .. تحط بالسفرة أكثر من صنف ولا واحد يشبع بطنك

و نصف صندوق الخضرة تاكله والباقي بالزباله >>> دبحنا هالكيماوي

البندورة كبرانة بس من جوا فاضية

والنعنع والميرمية كله بينسقي من مية المجاري

(( الوصل والأقارب ))
زمان .. كان بالبيت فيه أكثر من 20 شخص الأم والأب وولادهم ونسوانهم واطفالهم>>> وعايشين مرتاحين ..

هالوقت .. كل واحد بدو غرفة لحاله ,,, واذا تزوج وطلع ...

ما يزور أهله الا بالمناسبات على حسب أشغاله ...

((( العيد )))
زمان ... العيد يفرح فيه الكبير والصغير ويومه ما ينتسى ...

هالوقت .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...لا وكمان بيخلص العيد وهمه طفرانين

* * * * * * * * * * * * * * * * * * * *

هذا بعض من مقتطفات الحياة المختلفه ولكن لو خيّرت العيش بأيام زمان أو هالوقت الحالي ؟؟ ماذا تختار !!!؟؟؟

أنا ما عشت فيها بس ياريت ناخذ منها ونضيفها على أيامنا يمكن حالنا يتحسن

وعلى قولة أهل الشام

رزق الله على أيام زمان

وبالفلسطيني يرحم ايامك يا ستي

واهم شي

ايام زمان كانو العرب متوحدين وكلهم مع بعض مو متل هللا بيكون في حرب بالبلد الي جنبنا واحنا مو عارفين كل واحد ماشي على مقولة
اللهم نفسي

انا تعبت كتير في الموضوع وبتمنى انه تثبتولي اياه وشكرا لكل الي راح يمر على الموضوع

موضوع رائع جدا وواقعي وتكرم عيونك يا وردة القمر موضوعك يستحق التثبيت حتى قبل ما تقولي هههههههههه

بجد موضوع مميز كتير وشكر لتالقك يا وردة القمر زتقبلي مروري

شكرا يا احلى اميرة الاحزان لتثبيتك للموضوع ولمرورك والك كمان يا احلى ريماس

(( الحب ))
حب أيام زمان آخره زواج ويكون صادق من القلب فيه تضحية واخلاص . .

هالوقت .. فيه حب بس نادر ما تلقاه صادق ...

الأكثريه بيحبوا بس بيمشوا على مقولة

* اشحن سوا ..... نطلع سوا .....*

اشكرك كثيرا يا وردة القمر على الموضوع الممتع للقراءة والواقعي
تقبلي مروري.

زمان .. كان بالبيت فيه أكثر من 20 شخص الأم والأب وولادهم ونسوانهم واطفالهم>>> وعايشين مرتاحين ..

هالوقت .. كل واحد بدو غرفة لحاله ,,, واذا تزوج وطلع ...

ما يزور أهله الا بالمناسبات على حسب أشغاله ...

شكرا لك يا وردة القمر موضوع جميل ومعبر تقبلي مروري

شكرا لمروركم

مع احترامي لكل الاعمار بس كل عمر الو حياتو يعني لو احنا هلا شباب اليوم ترجعيهم لايام ئبل 50 سنه ما حد راح يتقبل الوضع مع كل عيوب الزمن هاد الا انو من عمل ايدينا احنا الزمن ما بتغير الناس والانفس هي الي بتتغير العيب مو بالزمن العيب فينا احنا متل ما حكيت مع انوا عم نشكي ونحكي لو يرجع فينا الزمن ولكن لو رجع ما راح يعجبنا لانو احنا تعودنا بزمنا هاد نكون هيك ونعيش متل ما احنا عايشين هلا
متل ما سبق وحكيتي ايام زمان كان يئعد 20 نفر ببيت واحد ويكونوا مبسوطين اما هلا كل وحدة بتتزوج بدها بيتها مملكتها تعيش فيها وتكون هي الامرة الناهيه ببيتها
مرسي يا عسول على الموضوع الحلو متلك
تقبلي مروري

شكرا يا وردة القمر على الموضوع الحلو

شكرا يا وردة القمر على الموضوع الجميل
تقبلي مروري.

مشكورة يا وردة القمر تقبلي مروري

» دفتر ايامك..